PE voton për masa disiplinore kundër Hungarisë. Pritet vendimi i Këshillit…
Me 448 vota për dhe 197 kundër, Parlamenti Evropian votoi për aplikimin e masave disiplinore kundër Hungarisë, në lidhje me shkeljet e pretenduara të vlerave thelbësore të BE-së.
Qeveria e kryeministrit hungarez, Viktor Orban, është akuzuar për sulme ndaj mediave, pakicave dhe sundimit të ligjit, ndonëse të gjitha i ka mohuar.
Por, Hungaria do të përballet me masa disiplinore vetëm nëse ato miratohen nga Këshilli i Bashkimit Europian.
Masat mund të përfshijnë pezullimin e Hungarisë nga e drejta për votë në Evropë.
Dje, Viktor Orban duke folur në Parlamentin Evropian ka mbrojtur vendin e tij duke thënë se kërcënimet për censurë janë formë e “shantazhit” dhe fyerje ndaj Hungarisë.
