Ligji për Teatrin, sot protestë para Kuvendit

Aleanca për Mbrojtjen e Teatrit do të protestojë sot para Kuvendit, ku pritet të miratohet ligji i amenduar për Teatrin Kombëtar pas miratimit të dekretit të presidentit Meta në Komisionin e Veprimtarisë Prodhuese.

Protesta për mbrojtjen e teatrit do të filloj sot në orën 09:45 ndërkohë Aleanca për Mbrojtjen e Teatrit i ka bërë thirrje opozitës që nesër në seancën e Parlamentit të mbrojë Teatrin Kombëtar.

“Sot opozita duhet të mbrojë Teatrin në Parlament. Të mos lejohet miratimi i ligjit antikushtetues,” thekson Aleanca.

Ndryshe, maxhoranaca e miratoi dekretin e presidentit Meta që e kthente mbrapsht ligjin për teatrin, duke zgjedhur ta amendonte. Nga ana tjetër opozita e kundërshtoi duke theksuar  se me miratimin e dekretit të presidentit bie i tërë ligji poshtë.

Ndërkohë Basha pas takimit me Aleancën theksoi dje se të gjithë ata depuetë që votojnë për miratimin e këtij ligji, opozita do ti trajtojë terroristë shtetëror.