E FRIKSHME/ Një rrjetë e madhe e merimangës mbulon bregdetin në Greqi (Video)

Temperaturat e larta në Greqinë perëndimore kanë shkaktuar një pamje spektakolare por edhe të frikshme: një rrjetë e merimangës e gjatë 300 metra.

Një zonë e madhe në lagunën Aitoliko është mbuluar me rrjetën e merimangës, raporton Daily Hellas, ndërsa banorët thonë se një fenomen të tillë nuk e kishin parë ndonjëherë.

Por ekspertët theksojnë se kemi të bëjmë me një fenomen sezoni të cilin e shkaktojnë merimangat e llojit Tetragnatha, të cilat mund të ndërtojnë fole të mëdha mbarështuese.

Shtimi i mushkonjave

Ekspertët mendojnë në rritjen e numrit drastik të merimangave ka kontribuar rritja e numrit shumë të madh të mushkonjave. Maria Chatzaki, Profesoreshë e biologjisë dhe gjenetikës në Universitetin Demokrit, tha për Newsit.gr se temperaturat e larta, lagështia e mjaftueshme dhe ushqimi i bollshëm krijojnë kushte ideale për riprodhimin e këtij lloji në numër shumë të madh.

“Siç duket merimangat shfrytëzojnë këto kushtet dhe argëtohen. Mbarështohen, shumohen dhe krijojnë gjeneratën e re,” thekson profesoresha Chatzaki duke shtuar:

“Kjo lloj merimange nuk është e rrezikshme për njeriun dhe nuk kanë shkaktuar dëme në florë. Merimangat do të argëtohen dhe shumë do të vdesin,” thekson ekspertja e njohur e biologjisë dhe gjenetikës, Maria Chatzaki