Përmbytet trageti, 44 të vdekur e qindra të zhdukur

Të paktën 44 njerëz kanë humbur jetën pasi një traget me qindra njerëz u përmbyt në liqenin Victoria në Tanzani.

Një zyrtar lokal i tha Agjencisë së lajmeve Reuters se numri i të mbyturve mund të jetë më shumë se 200.

Trageti MV Nyerere u përmbys pranë bregut midis ishujve të Ukora dhe Bugolora.

Mendohet se trageti i mbingarkuar u përmbyt kur njerëzit në bord u zhvendosën në njërën anë ndërsa po ankorohej.

Zyrtarët lokal thanë se trageti mbante më shumë se 400 pasagjerë. Rreth 100 vetë u shpëtuan, ndërsa 32 raportohet se janë në gjendje kritike.

Shifra të sakta, megjithatë, ende duhet të konfirmohen. Reuters raportoi se personi që shpërndau biletat për udhëtimin gjithashtu humbi jetën, ndërsa regjistrimi i të dhënave ka humbur.