Video/ Veting në politikë pa vonesë, Basha: Politikanët e lidhur me krimin duhet të largohen!
Kryetari i Partisë Demokratike, Lulzim Basha duke i qëndruar idesë për domosdoshmërinë e Vettingut në Politikë, përmes një videoje tregon se cila ishte karriera e hidhur prej kryeministri e Edi Ramës, i cili jo rastësisht e katandisi vendin kështu, që është edhe një arsye më shumë pse Vettingu duhet bërë një orë e më parë në mënyrë që politikanët e lidhur me krimin të largohen.
Dy vjet më parë Edi Rama mohoi mbjelljen e të gjithë Shqipërisë me kanabis:
“Pse more thoni se gjithë Shqipëria është e mbjelllur me kanabis, jeni në vete!”
Por sot ja çfar thotë Edi Rama, madje edhe gënjen:
“Unë nuk kam mohuar asgjë!”
Tre vjet më parë Edi Rama mohoi se kishte futur kriminelë në Parlament:
“Nuk ka në Parlamentin e Shqipërisë njerëz të cilët kanë probleme me ligjin.”
Edi Rama gënjeu!
“Ligji i dekriminalizimit, kanë ikur, në totalin e vetë, kanë qenë pesë veta!”
Sot Edi Rama kundërshton Vettingun në Politikë dhe mohon lidhjet me krimin
“Te lidhjet me krimin kundërshtoj qëllimin, kundërshtoj instrumentin, kundërshtoj gjithë maskaradën!”
Edi Rama përsëri gënjen, thekson në mesazhin e tij kryetari i PD, Lulzim Basha duke përfunduar:
“Politikanët e lidhur me krimin duhet të largohen. Veting në politikë pa vonesë!”
