Video/ Digjet makina e Drejtores së Erion Veliajt. Policia: Zjarrvënie e qëllimshme!
Mbrëmë në zonën e Kombinatit në Tiranë, një makinë është shkrumbuar nga flakët.
Mësohet se makina ishte në pronësi të shtetases Mimoza Agalliu, e cila punon Drejtore e Qendrës Sociale në Kombinat.
Sipas policisë, dyshohet se ky veprim ka qenë i qëllimshëm, dhe ka ardhur si pasojë e detyrës që mban Mimoza Agalliu.
Mjeti është djegur plotësisht, por fatmirësisht ka vetëm dëme materiale. Po punohet për identifikimin dhe kapjen e autorit.
Njoftimi i policisë:
Më datë 01.10.2018, rreth orës 02:50, në rrugën “Hamdi Cenoimeri”, ka marrë flakë mjeti i parkuar tip “Benz”, me targë AA550TN, në pronësi të shtetases M. A., (Drejtore e Qendrës Sociale në Kombinat).
Mjeti është djegur plotësisht dhe ka vetëm dëme materiale.
Nga hetimet paraprake dyshohet për zjarrvënie të qëllimshme. Po punohet intensivisht për identifikimin dhe kapjen e autorit.
