Arben Ahmetaj: Edi Rama po ndërton si në kohën e Enver Hoxhës…
Sot spektakli i Rilindjes me interpelancën e Ministri të Financave dhe Ekonomisë, Arben Ahmetaj, që zyrtarisht thuhet se është thirrur nga deputeti Erjon Braçe devijoi nga skenari.
Nuk dihet nëse nga madhështia ndaj liderit apo nuk del dot nga guaca e PPSH-së, por Arben Ahmetaj si pa dashje e tha një të vërtetë sade për politikën e partisë së cilës i takon, derisa i përgjigjej deputeti Braçe.
Po, puna e kryeministrit Edi Rama është aq madhështore për Ministrin e Financave, sa një mrekulli të tillë e ka arritë vetëm “i madhi i Arben Ahmetajt”, shoku Enver Hoxha.
“Federata Shqiptare e Futbollit, për shkak të mbështetjes së drejtpërdrejtë buxhetore dhe ligjore të qeverisë ‘Rama 1’ka tre stadiume të reja: Stadiumi i Elbasanit, Stadiumi i Shkodrës dhe Kompleksi Sportiv i Tiranës. Stadiume në këtë vend janë ndërtuar vetëm në ‘Kohën e Enverit’, kështu i referohemi, në 1980-n. që nga ajo ditë, stadiume janë ndërtuar vetëm në mandatin ‘Rama 1’, dhe vazhdojnë në mandatin ‘Rama 2’ dhe jam i bindur që do vazhdojnë në mandatin ‘Rama 3′”
Ndryshe, Ministri i Financave Arben Ahmetaj është thirrur në interpelancë nga deputeti Erjon Brace, lidhur me ligjshmërinë fiskale të Federatës Shqiptare të Futbollit, dhe për momentin edhe pse u krijua ideja se kemi të bëjmë me dy fraksione rreth kësaj çështje, në fund u kuptua se Edi Rama në grupin e tij kriminal gjithçka nën kontroll ndonëse i kishte lejuar Baçit se edhe mund ta shpreh paknaqësinë me FSHF-në.
