Video/ Gazetarja shqiptare i bënë pyetje, Vuçiç përmbytet nga djersët: Unë e kam më të lehtë t’ju ofendoj dhe…

Presidenti i Serbisë, Aleksandar Vuçic për herë të parë shfaqi edhe publikisht shqetësimin të cilin po e përjeton gjatë këtyre ditëve rreth zgjidhjes së çështjes së Kosovës, e për këtë ka kontribuar dukshëm dhe pyetja e gazetares shqiptare, Nerënxa Jakupi në Beograd.

Edhe pse në shikim të parë mund të quhet një pyetje rutinë e çdo gazetari shqiptar ndaj një presidenti serb, në këtë rast, kjo pyetje tronditi Aleksandar Vuçiçin sa e bëri për ujë të ftohtë:

Çfarë kushtesh ka Serbia për njohjen e Kosovës si shtet?

“Ju lutem, ju lutem, ju duhet ta kuptoni që Serbia ka interesat e saja, Serbia nuk e konsideron Kosovën si një shtet të pavarur dhe sovran, ne kemi qëndrim krejtësisht të ndryshëm nga ju shqiptarët, dhe për këtë arsye duhet të ulemi të bisedojmë,” tha Presidenti i Serbisë i cili nuk po dinte se si të vazhdonte dhe ndonëse në siklet e pranoi edh enjë realitet serb që sot është në Serbi:

“Unë e kam më të lehtë t’ju ofendoj dhe të përfitojë pikë politike, dhe të them që as nuk më shkon nëpër mend kjo gjë. Jo  vetëm pse jeni Zonjë. Ne duam vërtetë që të bëjmë kompromis, ne duam marrëveshje por duhet që edhe dikush në botë dhe ndër shqiptarë të kutpjë që Serbia ka interesat e saja, ka njerëzit e saj,” tha Vuçiç dukshëm i shqetësuar duke shtuar:

“Kjo nuk mund të jetë një listë e dëshirave tuaja, dhe amerikanët ose dikush tjetër të detyroj neve serbët që ti pranojmë. Nëse këtë e prisni, nuk do ta realizoni kurrë,” tha Presidenti i Serbisë duke marrë frymë thellë për të vazhduar me një siklet të paparë që vetëm syri i kamerës e përshkruan më së miri:

“Nuk ekziston një fuqi e tillë që mund ta detyroj Serbinë të pranoj pavarësinë e Kosovës. Duhet të bisedojmë, duhet të bisedojmë, që zgjidhjet potenciale të jenë të dhimbshme si për juve ashtu edhe për neve. Vetëm këto janë zgjidhje, të gjitha të tjerat nuk mund të quhen zgjidhje,” përfundoi Vuçiç duke fshirë djersët pa e fshehur gjendjen emocionale në të cilën ndodhes pas kësaj pyetje ndonëse shprehu gatishmërinë për të vazhduar konferencën pë shtyp edhe me pyetjet tjera.

Ndryshe, pyetja e cila e vuri në siklet Aleksandar Vuçiçin u bë nga gazetarja e Agjencisë së Lajmeve KosovaPress, Nerënxa Jakupi, gjatë një konference për media të mbajtur pas një paneli të Forumit të Sigurisë në Beograd, në të cilin ishte panelist edhe vetë Presidentin e Serbisë, Aleksandar Vuçiç.