Ministri i ri i Brendshëm/ Kush është Gjenerali i Degraduar i Policisë së Vdekur, Sandër Lleshi?!
Pas dorëheqjes së ministrit të Brendshëm, Fatmir Xhafaj, vetë kryeministri Edi Rama bëri publike emrin e ministrit të ri, Sandër Lleshi.
Po kush është Gjeneral Brigade Sandër Lleshi?!
Nuk është as kushëri i Habilajve as vëllai i Agron Geron Xhafajt, por është personi që lejoi lulëzimin dhe forcimin e krimit në Shqipëri, dhe e keqja e tij më e madhe është se gjatë kësaj periudhe sa ishte Këshilltar për Siguri Kombëtare ishte njeriu që mbante edhe gradën Gjeneral Brigade të një shteti anëtar i NATO-s.
Në Curriculum Vitae thuhet se Gjeneral Brigade Sandër Lleshi prej vitit 2010 mbnë postin e zv.shefit të Shtabit të Përgjithshëm të Forcave të Armatosura të Shqipërisë.
Në periudhën 1996- 2000, gjeneral Lleshi ka qenë komandant i Kurseve në Akademinë e Mbrojtjes në Tiranë dhe më pas, për tre vjet të tjera, ishte komandant i Akademisë Ushtarake “Skënderbej”.
Në vitet 2003-2006 ka shërbyer si atashe i Mbrojtjes i Republikës së Shqipërisë në Gjermani.
Sa i takon arsimit të tij në fushën ushtarake, ai fillon në periudhën 1978-1985, kur ka kryer shkollën e Mesme Ushtarake “Skënderbej” dhe Akademinë Ushtarake.
Nga viti 1994 deri në 1999 ka kryer një sërë kursesh, si ai i gjuhës gjermane në Akademinë e Mbrojtjes Kombëtare në Vjenë (Austri); kurs i avancuar i gjuhës gjermane në Institutin Federal të Gjuhëve (Bundessprachenamt) në Gjermani; kurs i komandantit të Batalionit në Shkollën e Artilerisë Kundërajrore në Rendsburg, Gjermani; kurs i Shtabit të Përgjithshëm në Akademinë e Drejtimit në Hamburg, Gjermani dhe kurs i Sigurisë Europiane në Akademinë e Drejtimit në Hamburg, Gjermani.
Në 2008-n, gjeneral Lleshi ka përfunduar Seminarin e Lartë Ekzekutiv në Qendrën për Studime të Sigurisë Europiane, George C. Marshall në Garmisch-Partenkirchen, Gjermani;
Ndërsa në 2011-ën përfundoi Kursin e Lartë Ndërkombëtar për Menaxhimin e Mbrojtjes në Shkollën Pasuniversitare të Marinës në Monterey, Kalifornia, SHBA.
Para degradimit të tij si Ministër i Brendshëm, Sandër Lleshi ka qënë këshilltar i Edi Ramës për sigurinë kombëtare!
