E vërteta e parë e Edi Ramës, Alibeaj: Nuk e largoi, Alma Hiçkën e çoi në Gjykatë të Lartë…

Pas largimit nga detyra të Avokates së Shtetit, Alma Hiçka, dhe fyerjeve të kryeministrit Rama ndaj mediave që raportuan se Hiçka ishte shkarkuar, deputeti i Partisë Demokratike, Enkelejd Alibeaj reagon duke theksuar se kjo është hera e parë që Edi Rama e thotë  të vërtetën, dhe Hiçkën ia do ta dërgojë këshilltare në Gjykatën e Lartë, dhe më pas do ta bëjë anëtare të kësaj Gjykate:

“Për herë të parë Edi Rama thotë të vërtetën! Ai nuk e ka shkarkuar Alma Hiçkën. Edi Rama do ta çojë avokaten e korrupsionit të tij, këshilltare në Gjykatën e Lartë, me qëllim për ta bërë anëtare të Gjykatës së Lartë,” thekson Enkelejd Alibeaj përmes rrjetit social Facebook duke përfunduar:

“Me vetingun e partisë dhe me votën e krimit në parlament, reforma në drejtësi është që tani e kompromentuar!”

Ndryshe, pas raportimit në media për shkarkimin e Avokates së Shtetit, Alma Hiçka, kryeministri Edi Rama duke përgënjeshtruar lajmin hodhi një lum akuzash mbi kazanët që i krijoi vet, i mësoi se si bëhet lajmi dhe madje ju përckaton edhe sot që flasim, se cili është lajmi i parë:

”Kazanët po ziejnë një broçkull për “shkarkimin” e Alma Hickës. Në fakt Alma u largua me dëshirën e saj, për arsye krejt personale e për gjithë keqardhjen time që e konsideroj një Avokate të shkëlqyer të Shtetit. Me neveri për kazanët i them Almës mos u mërzit e paç vetëm sukses,” tha duke cicëruar në Twitter nga Luma, Edi Rama, aty ku po prezanton resort turisitik në 3D.

Ja postimi i plotë i Enkelejd Alibeaj:

“Për herë të parë Edi Rama thotë të vërtetën! Ai nuk e ka shkarkuar Alma Hickën. Edi Rama do ta çojë avokaten e korrupsionit të tij, këshilltare në Gjykatën e Lartë, me qëllim për ta bërë anëtare të Gjykatës së Lartë. Me vetingun e partisë dhe me votën e krimit në parlament, reforma në drejtësi është që tani e kompromentuar!