Varrimi i Kaçifas/ Vangjel Dule në Bularat: Të zbardhet e vërteta e vrasjes…

Kryetari i PBDNJ, Vangjel Dule ishte në Bularat, ku foli në greqisht dhe në shqip për gazetarët, duke thënë tha se e vërteta për vrasjen e Kostandinos Kaçifas duhet të zbardhet.

“Jemi sot në radhë të parë në këto momente që janë momentet e varrimit dhe si pasojë janë të shenjta. Jemi këtu për të ndarë dhimbjen me gocën e Kostandinos, me mamanë, babin dhe gjithë komunitetin,” tha duke shprehur vendosmërinë që e vërteta të ndriçohet deri në fund:

“Jemi këtu për të shprehur nderimin ndaj të ndjerit, por edhe vendosmërinë që e vërteta duhet të ndriçohet deri në fund. Transparenca e kësaj çështje, zbardhja e saj është me rëndësi jetike. Ajo mund të vonojë, por natyrisht nuk do të humbasë,” tha Dule në prani edhe të deputetit grek të Demokracisë së Re Savas Anastadhiasi.