Maqedoni, arrestohen dy bashkëpunëtorëte Ish-kryeministrit Nikolla Gruevski

Në orët e hershme të mëngjesit është arrestuar ish-ministri i Transportit në Maqedoni, Mile Janakievski si dhe ish-Sekretari i Përgjithshëm i Qeverisë, Kiril Bozhinovski, të cilët kanë mbajtur këto pozita kur partia opozitare, VMRO DPMNE-së ka qenë në pushtet, raporton RFE.

Vendimin për arrestimin e Janakievskit dhe Bozhinovskit e ka bërë të ditur Gjykata Penale me kërkesë të Prokurorisë Speciale Publike.

Që të dyve u është përcaktuar masë paraburgimi prej 30 ditësh për shkak mundësisë që të ikin nga shteti.

Ish-ministri Mile Janakievski dhe Kirill Bozhinovski akuzohen për disa vepra, për të cilat është duke vazhduar procesi gjyqësor bashkë me ish-kryeministrin e Maqedonisë Nikolla Gruevski.

Arrestimi i tyre vjen pas arratisjes së Ish-kryeministrit Nikolla Gruevski nga Maqedonia.

Ndryshe, Ish-kryeministri Nikolla Gruevski dje ka njoftuar që gjendet në Hungari ku dhe ka kërkuar azil politik.