Reagimi/ Meta dekreton ministrin e Brendshëm, Edi Rama tregon si u gjetë “rrugëzgjidhja”

Pas dekretimit të Sandër Lleshit si ministër të Brendshëm, ka reaguar kryeministri Edi Rama edhe pse opinionin publik gjithcka ishte e qartë sapo u publikuan letra e Presidentit dhe Kryeministrit në rrjetet sociale se “rrugëzgjidhja” është cështje pazaresh:

“Një shembull kuptimplotë i faktit se edhe kur duket, sikur krisjet janë të pariparueshme a thyerjet të pashmangshme, ka gjithmonë një rrugëzgjidhje nëse ka #VullnettëMirë,” thekson në reagimin e tij Edi Rama duke ngelur njeri i vetëm me shpurrën e tij që është i bindur për Këshilltarin e dështuar të Sigurisë Kombëtare, Sandër Lleshajn:

“Ministri i ri njeriu i duhur në vendin dhe kohën e duhur!”

Ja postimi i plotë

Dekretimi i Sandër Lleshit ministër i brendshëm, një shembull kuptimplotë i faktit se edhe kur duket, sikur krisjet janë të pariparueshme a thyerjet të pashmangshme, ka gjithmonë një rrugëzgjidhje nëse ka #VullnettëMirë Ministri i ri njeriu i duhur në vendin dhe kohën e duhur

Ndryshe, pak orë para skadimit të afatit kushtetues, Presidenti Ilir Meta bëri të ditur në një studio televizive se ka dekretuar ministrin e Brendshëm, Sandër Lleshaj.

D E K R E T

 PËR

EMËRIM MINISTRI

 Në mbështetje të nenit 93 dhe 98, pika 1 të Kushtetutës, me propozim të Kryeministrit nr. 5211 prot., datë 09.11.2018,

D e k r e t o j:

Neni 1

Zotin Sandër Lleshaj, emërohet Ministër i Brendshëm.

Neni 2

Ky dekret hyn në fuqi menjëherë.

Nr. Dekreti 10957

Tiranë, më 16.11.2018.

                               PRESIDENTI I REPUBLIKËS

                                            ILIR META