Veliaj akuzon/ Ina Zhupa me video-dëshmi: Erioni Betoni vetëm nga mashtrimi nuk heq dorë!

Tirana është drejtuar nga zogist dhe komunist, të aftë dhe të paaftë, të veshur dhe të zhveshur, hajdut dhe të ndershëm, normal dhe të çmendur, por kurrë nga njerëz që përdorin një fjalor të këtij lloji, që edhe rrugaçët ia kanë zili. Fjalori që përdor Erion Veliaj është i paprecedent në këtë planet, sharje dhe fyerje, përveç se mashtrime, e sa për mashtrime, përgjigjen e merituar e merr nga Zëdhënësja e Partisë Demokratike, Ina Zhupa.

“Mashtrimi i rradhës! Bashkia e Pafytyrësisë! Erioni Betoni vetëm nga mashtrimi nuk heq dot dorë. Sa herë thote diçka ka një mashtrim brenda,” thekson Ina Zhupa duke sqaruar përmes rrjetit social Facebook mashtrimin e fotos së publikuar me koment nga Erion Veliaj:

“Publikoi foto nga gropa e Hajdin Sejdisë siç e kishte katandisur e lënë ashtu Rama kryebashkiak dhe kërkonte shpjegime nga Basha dhe PD!!! Ndërkohe Basha në 2006 si ministër transportesh e mbylli gropën e turpshme në mes të Tiranë, dhe në 2012 Basha si kryetar bashkie bëri kthimin e saj në një lulishte për qytetarët e Tiranës. Këto vite në krye të bashkisë çfarë ka investuar për ta mirëmbajtur këtë lulishte që e gjeti gati? Këtë ti thotë qytetarëve, jo mashtrime me fotot e kohës së Ramës,” thekson Zëdhënësja e Partisë Demokratike Ina Zhupa dhe e fakton përmes video-dëshmisë statusin e mashtruesit, dhe videot e kohës duke i bërë të qartë Erion Velis:

“Tirana ka kujtesë edhe nuk i mashtron dot qytetarët kaq kollaj!”