Sllovenia, vendi i parë i NATO-s me grua në krye të ushtrisë

Gjeneral majorja, Alenka Ermenc, u dekretua sot Shefe e Shtabit të Përgjithshëm të ushtrisë së Sllovenisë.

Kështu Sllovenia u bë vendi i parë i NATO-s që zgjodhi një grua në krye të ushtrisë, raporton RFE.

Ermenc, 55 vjeçe, deri më tash ka qenë Zv/Shefe e Shtabit të Përgjithshëm të ushtrisë së Sllovenisë. Ajo ka filluar karrierën ushtarake në vitin 1991, kur Sllovenia ka fituar pavarësinë nga ish-Jugosllavia.

Presidenti slloven, Borut Pahor, Komandanti i Forcave të Armatosura të Ushtrisë së Sllovenisë, shfaqi shpresën se Ermenc do të përmirësojë performancën e trupave.

“Tendenca globale e përkeqësimit të situatës së sigurisë vazhdon. Edhe pse Sllovenia nuk kërcënohet drejtpërdrejt ushtarakisht, ajo duhet të përmirësojë sigurinë e saj ushtarake relativisht shpejt”, tha Pahor.

Ndryshe, Sllovenia ka rreth 7,500 ushtarë, përfshirë forcat aktive dhe rezervë