Xhafaj kallzoi penalisht 3 përfaqësuesit e PD, por ja lapsusi që bën…

Agron Xhafaj, vëllai i ministrit të Brendshëm, Fatmir Xhafaj, ka depozituar në Prokurorinë e Tiranës kallzim penal ndaj Ervin Salianji, Enkelejd Alibeaj dhe Gazmend Bardhit, tre përfaqësuesve të PD-së që paraqitën në një konferencë për mediat, një video-përgjim, ku sipas tyre implikohej vëllai i Fatmir Xhafajt, në trafikun e drogës.

Në kallëzimin drejtuar prokurorit të Tiranës, Dritan Reshka, thuhet se personat e kallëzuar janë Ervin Salianji, deputet i Kuvendit të Shqipërisë, Enkelejed Alibeaj, deputet i Kuvendit të Shqipërisë, Gazmend Bardhi, deputet i Kuvendit të Shqipërisë dhe “të tjerë shtetas të paidentifikuar, bashkëpunëtorë të mundshëm të atyre të mësipërm”.

Por, në fakt, në kallëzim ka një gabim. Gazmend Bardhi, cilësohej si deputet, kur në fakt ai nuk është ligjvënës i Kuvendit të Shqipërisë. Lapsusi në fjalë mund ta bëjë kallzimin nul