Unaza e Madhe/ Shkoza në protestë, banorët rrëfejnë çastet e tmerrit me IKMT dhe policinë…

Banorët e Shkozës kanë dalë sërish në protestë në orët e pasditës, për të mos lejuar prishjen e banesave të tyre nga Inspektoriati Kombëtar i Mbrojtjes së Territorit, IKMT.

Banorët bllokuan rrugën duke i vënë flakën disa prej kazanëve të mbetjeve. Ata shprehen se nuk janë projketit të Unazës së Madhe por kërkojnë dëmshpërblim.

Ndërkohë me protestuesit vazhdojnë të kenë edhe mbështetjen e deputetëve të Partisë Demokratike.

Banorët kanë rrëfyer për mediat për çastet e tmerrit që kanë kaluar sot me IKMT-në dhe policët nëpër këmbë që nuk kanë kursyer as fëmijët.

“Më ka ardhur fëmija 3 vjeç në shtëpi obobo ma do na prishin shtëpitë. Të kishit qenë sot në orën 5 të mëngjesit ta kishit parë si e kanë prishur shtëpinë e komshiut. Terror! I kam parë vetë si e kanë ngritur, me copa hekurash. Me gjak, unë qaj për ata fëmijë se i kam parë vetë. I kanë fëmijët moshatarë me të mitë. Kjo nuk është e drejtë,” tha një banore e Shkozës duke u shpreh se  nuk është kundër projektit dhe ndërtimit të rrugës, por  ata nuk mund t’i nxjerrin në rrugë.