Protesta e Studentëve/ Sot protesta vazhdon. Ja axhenda…

Pas momenteve të shumëta tensioni gjatë ditës së shtunë, kur ministrja Lindita Nikolla u mundua të inskenoj një dialog me protestuesit ndërkohë tensionet u shfaqën edhe në momentin kur banorët e Unazës së Re të prekur nga projekti i Unazës së Madhe tentuan ti bashkohen protestës para Ministrisë së Arsimit, protesta e studentëve u përballë edhe mu sulme nga më të ndryshmet mediatike dhe jo vetëm, për shkak të anarkisë së qëndrimeve brenda vetë rrymave të ndryshme në protestë.

Sidoqoftë, studentët në një pikë janë të bashkuar dhe të pathyeshëm, plotësimi i katër kushteve është i panegociueshëm.

Protesta vazhdon sot më  9 Dhjetor tashmë me itinerarin standard:

1.Tubimi i studentëve para Universiteteve përkatëse në orën 8:30;

2.Protesta para Ministrisë së Arsimit duke filluar në orën 10:00.

Njoftimi i organizatorëve të protestës përfundon me thirrjen:

Studentë, të gjithë të bashkuar për të kërkuar me ngulm plotësimin e kushteve.