Lulzim Basha në Dioqezën e Sapës: Krishtlindja na bashkon rreth vlerave më të mira…

Në ditën e Lindjes së Krishtit, kryetari i Partisë Demokratike, Lulzim Basha e kaloi në Dioqezën e Sapës ku përveç urimit që i bëri Ipeshkvit Dom Simon Kullit vizitoi edhe disa familje shqiptare që kremtojnë këtë ditë të madhe.

Familja Ndoka në Hajmel dhe familja Lorja në Stajkë, ndonëse në vështirësi të mëdha, mesazhi i tyre në këtë ditë të shenjtë është besimi dhe shpresa tek e nesërmja, shkruan Lulzim Basha në rrjetin social Facebook pas vizitave në këto familje fisnike shqiptare :

“Krishtlindja na bashkon të gjithëve rreth vlerave më të mira të familjes, të komunitetit dhe të Atdheut e na mbush me optimizëm dhe besim për të nesërmen,” tha Lulzim Basha me rastin e këtyre vizitave në Ditën e lindjes së Krishtit.

Ja postimi i plotë:

Këtë ditë të Lindjes së Krishtit e kalova pranë familjes Ndoka në Hajmel dhe familjes Lorja në Stajkë. Ndonëse në vështirësi të mëdha, mesazhi i tyre në këtë ditë të shenjtë është besimi dhe shpresa tek e nesërmja.
Pata nderin të ndalesha për të uruar edhe Ipeshkvin e Dioqezës së Sapës Dom Simon Kullin.
Krishtlindja na bashkon të gjithëve rreth vlerave më të mira të familjes, të komunitetit dhe të Atdheut e na mbush me optimizëm dhe besim për të nesërmen.