Superkryeministri/ Edi Rama me 8+ premtime, ka dhe Plan B: Do bëhem Arlind Qorri…
Pas mbledhjes së qeverisë, e cila zgjati vetëm 30 minuta, Kryeministri Edi Rama doli me më shumë premtime se sa që studentët i kishin kërkuar duke i bërë kështu konkurrencë edhe Superman-it.
Nga të gjitha ato që foli në konferencën, siç e quajti ai, të jashtëzakonshme, asnjëra nuk mund të plotësohet me buxhetin dhe ligjin aktual, dhe për Ligjin i cili krijoi gjithë katrahurë ai vazhdoi të mburret:
“Ligji i arsimit të lartë nuk ka asnjë arsye të preket sot dhe më e bukura është se nga gjithë bisedat që kam bërë nuk kam dëgjuar asnjë që të më japë një fakt se këtë zhvillim pozitiv të kërkuar e ka penguar ligji i arsimit të lartë. Nuk është ligji është ligjshmëria, pra ai nuk preket edhe një fjalë kam për pedagogët që mbledhin firma, ka shumë nga ata që janë heronj, pa asnjë hezitim, po ka edhe të tjerë që janë si ajo shprehja sa gjëra bëhen në emrin tënd o popull. Para se të shkojnë te ligji është mirë që secili të provojë përputhjen e vet me ligjin, sa i takon atyre që pretendojnë apo atyre që është doktor, a profesor.”
Dhe ky Superkyeministër bëri përputhjen. Nuk i plotëson 8 kërkesat e studentëve që sa kohë, dhe del e thotë sot që ka Paketën 8+:
“Paketa jonë do të jetë 8+. Uroj që dialogu do të vazhdojë dhe ndërkohë paketa, pakti i universitetit do tu ofrohet studentëve për ta parë dhe vlerësuar dhe kontribuar që në fund të kemi një marrëveshje të madhe mirëkuptimi dhe angazhimesh mes qeverisë dhe studentëve. Por deri tani kemi vendosur që të gjitha vendet në administratë publike të jenë në dispozicion të studentëve më të mirë. Vendim për punësimin e studentëve më të mirë në administratën shtetërore, pjesë e shërbimit civil, ku kanë pengesë se kur shkojnë për konkurrim nuk kanë eksperiencë,” tha kryeministri më i dështuar në historinë shqiptare për të mos harruar partnerin e tij nga koalicioni që i ndihmoi për të shkatërruar Shqipërinë, LSI, dhe vazhdoi:
“Për të zmbrapsur duhmat e tepsisë ne do të bëjmë publike në vijim vendet e lira në administratën publike, ku pa konkurs por me kreditet e arritjeve personale në universitete studentët më të mirë, ata që nuk gjejnë punë dhe ata që ikin jashtë, ata që do mbarojnë të mund ta zgjedhin vetë vendin dhe do të nisë nga lart poshtë. Më i miri nga lart poshtë ka zgjedhjen e parë. Për shembull 20 vende të lira te Financat janë në dispozicion të 20 studentëve më të mirë të financave,” vazhdoi me broçkullat e tij Edi Rama kur dihet sot se ka raste kur më të mirët e Bachelorit nuk e vazhdojnë dot as Masterin e lëri më të gëzojnë këto salltanete për të cilat flet një kryeministër që 5 vjet në pushtet dhe vazhdon e premton. Por, ky nuk është kot Superkyreministër, i premton të gjitha këto pa e prekur buxhetin:
“Nuk ka nevojë për ndryshim buxheti, financimi është i garantuar, brenda financimit për tarifat, në vijim është parashikuar gjithçka, ata që kërkojnë ndryshim buxheti nuk dinë ça kërkojnë, ose duan që studentët të mos dinë çfarë të kërkojnë, ndërkohë që unë e di shumë mirë çfarë duan studentët,” tha Edi Rama për ti vënë kapak këtij muhabeti të mashtrimit dhe në klumin e delirin tha se ka edhe Plan B: “Plani im është shumë i qartë, unë do të udhëheq protestën e studentëve, mund të qeshni, por do të shikoni që shumë shpejt do të jap protestës si kam kapur gjithë të tjerat,” u shpreh Edi Rama që me qartësinë e tijë bëri që tashmë mos ta kuptojnë as dy kokat më të zgjuara të kombit që përzgjodhi Shkëlqesia Mashtruese, Mirela Kumbaro dhe Sandër Lleshi.
