Haradinaj: Kemi zgjuar gjigantin kosovar

Kryeministri i Kosovës, Ramush Haradinaj tha se me votimin e Statutit të “Trepçës” kanë zgjuar gjigantin kosovar.

Ky është hapi kryesor, thekson Haradinaj përmes rrjetit social Facebook, për t’i dhënë këtij aseti fuqinë për investime dhe gjenerim stabil të të hyrave dhe punësim ndërsa shton:

“Votimi i Statutit me 2/3 e votave të Kuvendit dëshmoi unitet të spektrit politik. Ky statut i jep Trepçës legjitimitetin e nevojshëm për të operuar me të gjitha kapacitetet e saja dhe duke e rikthyer atë në funksion të plotë të ekonomisë së vendit, të shtetit të Kosovës dhe të minatorëve”