Parkingjet publike tek privati/ Thellohet skandali, PD: Koncesionin e merr Beso i Taiwanit!

Thellohet skandali i parkingjeve me pagesë në Tiranë, i denoncuar nga Zëdhënësja e PD, Ina Zhupa. Departamenti Antikorrupsion pranë Partisë Demokratike paralajmëron se Erion Veliaj do t’ja japë Besos së Taiwanit koncesionin e parkingjeve me pagesë në Tiranë

“Vendimi i Këshillit Bashkiak Tiranë vendosi të japë me koncesion administrimin dhe vjeljen e tarifave të parkimit në Tiranë. Një vendim i tillë e ka zanafillën jo në rritjen e efiçencës së shërbimit, apo mashtrimet bajate që serviri Bashkia Tiranë. Në origjinë të një vendimi të tillë qëndron pazari i ri me klientin e vjetër, Beson e Taiwan-it,” thekson Departamenti Antikorrupsion pranë Partisë Demokratike duke rikujtuar se që në prill të vitit 2018, PD e ka denoncuar shoqërinë “Pay and Go”, si pjesë e rrjetit të shoqërive offshore të Besos së Taiwan-it ndërsa përfundon:

“Nuk përbën sot asnjë suprizë që përveç sektorit të hidrokarbureve, sektorin bankar, sot ta shohim Beson e koncesionit të parkimit te Parku Rinia, të përfshirë edhe në vjeljen e tarifës së parkimit në të gjithë Tiranën.”