Tiranë-Durrës/ Nisin punimet në autostradë, ARRSH: Ja ku devijohet trafiku…

Përdoruesit e autostradës Tiranë-Durrës duhet të kenë kujdes sepse duke filluar nga nesër do të fillojnë sërish punimet dhe për pasojë do të ketë lëvizje të kufizuar si dhe devijim të trafikut.

Autoriteti Rrugor Shqiptar, ARRSH dhe Policia e Qarkullimit Rrugor bëjnë me dije se duke filluar nga ora 07:00 e mëngjesit të datës 14 Shkurt 2019, në autostradën Tiranë-Durrës do të realizohen punime në kuadër të projektit të “Mirëmbajtjes me Performancë të Bankës Botërore”.

Për këtë arsye, gjatë kohës së kryerjes së këtyre punimeve, në drejtimin Tiranë – Durrës dhe Durrës – Tiranë, lëvizja e mjeteve do të kufizohet dhe do të devijohet trafiku për të shmangur bllokimin e qarkullimit dhe garantuar mbarëvajtjen e punës në terren.

Ndryshe, lëvizja e mjeteve në këtë segment rrugor do të kufizohet prej datës 14.02.2019 deri në datë 19.02.2019, sipas Planit të Menaxhimit të Trafikut të miratuar, informon ARRSH.

Njoftimi i plotë: 

Autoriteti Rrugor Shqiptar dhe Policia e Qarkullimit Rrugor informojnë median dhe opinionin publik se duke nisur nga dita e enjte (datë 14 Shkurt 2019 ora 07:00 në mëngjes), në kuadër të projektit të “Mirëmbajtjes me Performancë të Bankës Botërore” do të realizohen punime në segmentet rrugore të mëposhtëme:

1. Vazhdimi i punimeve për ndërtimin e (2) tombinove të reja rrethore nësegmentin rrugor (autostrada) Tiranë – Qafë Kashar (kthesa Rinas) në kilometrin 6+600 dhe 6+800 (Kastrati & Alba-Elettrica), për ndërtimin e pusetave hyrëse dhe dalëse të portaleve të tombinove.

Për këtë arsye gjatë kohës së kryerjes së këtyre punimeve do të realizohet devijimi i trafikut në km 6+500 në drejtimin Tiranë – Durrës dhe në km 7+550 në drejtimin Durrës – Tiranë në rrugët dytësore në këto pika. Trafiku në këto segmente do të bëhet vetëm në një kalim.

Lëvizja e mjeteve në këtë segment rrugor do të kufizohet brenda harkut kohor prej datës 14.02.2019 deri në datë 19.02.2019, sipas Planit të Menaxhimit të Trafikut të miratuar.

2. Gjithashtu në segmentin rrugor Tiranë – Kamëz, mbas mbikalimit të Kamzës, do të realizohet riparimi i shtresave asfaltike të dëmtuara.

Punimet në këtë segment rrugor do të realizohen duke kufizuar trafikun e mjeteve në një korsi të lëvizjes gjatë kohës së kryerjes së punimeve.

Lëvizja e mjeteve në këtë segment rrugor do të kufizohet brenda harkut kohor prej datës 14.02.2019 deri në datë 17.02.2019, sipas Planit të Menaxhimit të Trafikut të miratuar.

Punonjësit e Autoritetit Rrugor Shqiptar, Policisë së Qarkullimit Rrugor dhe kompanive të mirëmbajtjes do të jenë në terren për mbarëvajtjen e ndërhyrjes dhe orientimin e trafikut sipas planit të menaxhimit të miratuar.

Nga ana e Autoritetit Rrugor Shqiptar dhe Policisë së Qarkullimit Rrugor është hartuar një plan operacional i ndërhyrjes dhe devijimit të trafikut për të shmangur bllokimin e qarkullimit dhe garantuar mbarëvajtjen e punës në terren.

ARRSH dhe Policia e Qarkullimit Rrugor kërkojnë mirëkuptimin dhe bashkëpunimin e drejtuesve të mjeteve dhe bizneseve të zonës gjatë procesit të ndërhyrjes në këtë aks rrugor dhe respektimin në mënyrë rigoroze të sinjalistikës provizore të vendosur dhe udhëzimeve të Policisë Rrugore në terren