Të gjithë drejtë Tiranës, Opozita: T’ia kthejmë Parlamentin shqiptarëve!

Sot në mëngjes, nga të gjitha qytetet e Shqipërisë, qytetarët janë nisur në protestën e Organizuar nga Opozita e Bashkuar, për siç thuhet, një orë e më parë t’i kthehet Parlamenti, Shqipërisë dhe shqiptarëve, dhe jo krimit dhe korrupsionit:

Kryetari i PD Dega Shkodër, Xhevdet Amuli, e bëri të qartë se protestat nuk do të ndalen deri në rrëzimin e kësaj qeverie.

“Ka ardhur në pushtet me votat e vjedhura, po i vjedh çdo ditë çdo gjë të këtij vendi. Protestat nuk do të ndalen deri në rrëzimin e kësaj qeveri. Edhe sot do të marrin pjesë protestues nga e gjithë Shqipëria nga jugu në veri. Sot do të vërshojnë nga Shkodra mbi 5 persona me autobusë dhe mjete megjithëse autobusëve u është bërë presion duke u marrë patentat shoferëve, duke u bllokuar letrat dhe duke i gjobitur. Protestën popullore nuk mund ta ndalojnë me presione sepse kjo qeveri është në grahmat e fundit.”

Ndonëse Edi Rama ka vendosur edhe një kufi në mes të Shkodrës dhe Lezhës, lezhjanët nuk janë sprapsur nga qëllimi i tyre. Postblloku i policisë është ideuar si një formë pengese dhe presioni por për opozitarët shkodran si dhe ata lezhjanë nuk ka risi, është një traditë komuniste prej shumë viteve .

Kryetari I PD Deha Fier, Luan Baçi, tha se kjo protestë do të jetë edhe më e fuqishme se ajo e 16 Shkurtit.

“Protesta më masive se ajo e 16 shkurtit. Protesta e mëparshme nuk ka pasur dhunë por ka qenë një revoltë e brendshme e qytetare. PD nuk ka dhunë, protesta do të jetë masive dhe shumë  e fuqishme,” tha Luan Baçi ndërkohë edhe nga Berati Opozita e Bashkuar në mënyrë të organizuar është nisur drejtë Tiranës.

Nga Elbasani është raportuar një presion i përsëritur i policisë së Edi Ramës ku shumë autobusëve u janë marrë dokumentet e mjeteve që udhëtuan në 16 shkurt, ndërkohë sot në mëngjes janë bërë edhe bllokime të tjera të autobusëve.

Ndërkohë raportohen nisje edhe nga Vlora, Korça dhe Gjirokastra.