Gota gjysëm plot!

nga Agim Popoci

Pas dorëzimit të mandateve nga ana e deputetëve të Opozitës, pas qëndrimit të bërë publik nga BE përmes Raportuesit për Shqipërinë në Parlamentin Evropian, Knut Fleckenstein, dhe pas “reflektimit” të Edi Ramës, më nuk vihet në diskutim Gota e Demokracisë në Shqipëri por ajo që e krijoi këtë Demokraci, Bashkimi Evropian.

Për herë të parë, jo me meritën e politikës shqiptare por me dështimin e asaj evropiane në Shqipëri, u dëshmua se Gota e Demokracisë në BE nuk është as “gjysëm plot”; Term  ky të cilin shqiptarët kishin rastin ta dëgjojnë në variante të ndryshëm nga Zyrtarët më të lartë të Bashkimit Evropian që vizituan Tiranën,ku me raste ishte gjysëm plot e me raste gjysëm bosh.

Gotën gjysëm plotë, që arriti ta mbushë Shqipëria që nga dita e parë e rrugëtimit të saj për ta bërë ”Shqipërinë si gjithë Evropa”, u konfirmua në raportet e përmotshme të Komisionit Evropian, por askush nuk e çoi nëpër mend se gota jo që nuk do të vazhdoj të mbushet, por edhe ajo pjesë e mbushur do të kontaminohet. Por ja që ndodhi!

Erdhi Edi Rama në pushtet, vendosi në krye të Parlamentit ministrin e fundit të Brendshëm të diktaturës komuniste, me synimin që ta integroj Shqipërinë në Bashkimin Evropian, dhe për ta realizuar ëndrrën shqiptare “e duam Shqipërinë si gjithë Evropa”. BE heshti, e çuditshme për kohën, por dje Raportuesi për Shqipërinë në Parlamentin Evropian, Knut Fleckenstein, e filtroi këtë situatë ashtu edhe si edhe atë me kanabizimin e tokës shqiptare, kur kot akuzohej e shkreta Romana Vlahutin, dhe gjithçka që do të bënte në të ardhmen kryeministri i Shqipërisë, Edi Rama si me Reformën në Drejtësi, PPP-të dhe politikën kriminale ndaj Opozitës.    

Raportuesi Fleckenstein tha dje se “Qeveria e krimit” është zgjedhur nga populli! Fleckenstein i cili vjen nga një shtet që deri dje është menduar se Gotën e Demokracisë e ka plot, dhe aq më shumë nga union si BE që për këtë got angazhohet në ekstrem për ta mbushur në demokracitë në zhvillim, si do të reagonte sikur në krye të Bundestagut ose Parlamentit Evropian, me votën e popullit të votohet Heinrich Himmler. Po them Himmler meqë ishte ministri i fundit i Brendshëm i Hitlerit dhe mund të quhet edhe homolog i Gramoz Ruçit!

Do të pajtohej Fleckenstein dhe Bundestagu me kryeparlamentar Himmlerin ose ta themi edhe në rastin më të mirë, pasardhësit e Heinrich Himmlerit ose Wilhelm Frickit, që ta filloi mbushjen e Gotës së Diplomacisë në Gjermani; Apo ligjet që shtetit gjerman hartoi kundër nazizmit dhe figurës së Hitlerit janë të shëndosha vetëm për këtë vend.

Shqipërinë si gjithë Evropa, jo vetëm shqiptarët por i gjithë Perëndimit e kishte të qartë se nuk e bënë dot politika shqiptare. Ndërhyrja e Perëndimit ishte e domosdoshme ashtu siç ndodhi edhe me Gjermaninë e pasluftës, por kjo e fundit që në fillim e bëri të qartë se nuk ka vend për bashkëpunëtorët e diktaturës, qofshin ata edhe si Himmleri që filloi të bashkëpunoj ngushtë me Aleatët.

Vetëm në këtë mënyrë Gjermania e mbushi Gotën e Demokracisë, dhe rikuperoi gjithçka që kishte shkatërruar si në planin politik ashtu edhe ekonomik për më shumë se 10 vjet. Dhe, rikuperimi nuk u bë me Komisionerë Evropian komunist si Oli Rehn ose Johannes Hahn që ta shpifin edhe Gotën e lëre më Demokracinë; Pastaj të mos flasim për shefat e tyre si Javier Solana dhe Federica Mogherini, që edhe Leninit i japin leksione!

Sot, ndonëse deklarata e Raportuesit Fleckenstein është kriminale, dhe për fat të mirë është thënë në një medie gjermane ndryshe ishte akuzuar autenticiteti i deklaratës, shqiptarët nuk e marrin seriozisht.

Pas dorëzimit të mandateve nga deputetët e Opozitës, shqiptarët e kuptuan se, po, Shqipëria duhet të ndryshoi kursin e zhvillimit politik dhe ekonomik, dhe nuk ka pse bëhet si gjithë Evropa, dhe për këtë falënderon Raportuesin Knut Fleckenstein dhe të ngjashmit!

Shqiptarët e kuptuan se zgjedhje të lira dhe të ndershme duhet të bëjnë për të ardhmen e tyre dhe jo ti certifikoi OSBE, që harton Raporte kriminale si ai i 200 milionë eurove për qeveritarët shqiptarë, dhe negocion me po këta njerëz! Dhe, kur pjesa tjetër e politikës e hedhë poshtë politikën e këtyre kriminelëve, po kjo OSBE e quan të papranueshme!

Komisionerët për zgjerimin, Oli Rehn dhe Johannes Hahn, nuk ishin dakord që një shtet si Shqipëria mund të filloi negociatat për anëtarësim në BE edhe kur ajo u bë  anëtare e NATOS-s. Por, merrnin në dorë Gotën e Demokracisë në Tiranë duke e kthyer mbrapsht për ta parë gjysëm plot, e me raste duke e kthyer në tavolinë për t’ju rezultuar gjysëm bosh. Ndërkohë Gota e Demokracisë, por me kriteret e tyre dhe jo standarde perëndimore, u mbushë në Serbi me shpejtësinë e rrufesë. Kësaj Serbie më shumë se 250 njerëz ndërsa dëboi nga shtëpitë e tyre mbi 5 milionë persona!

Sot, Edi Rama me të cilin është dakord Raportuesi Fleckenstein sepse është zgjedhur “me votën e popullit”, mund të kryej funksionin e Kryeministrit për të vazhduar me “fleckensteinet” të bëjë projeksione se si ta mbushë Gotën e Demokracisë në Shqipëri, por një gjë tashmë është e sigurt, as Rama, as Felckensteini me Gramoz Ruçin i cili u zgjodh “me votën e popullit”, nuk janë në pushtet për ta mbushur Gotën e Demokracisë.

Për derisa praktika botërore nuk njeh qeverisje efikase shtetërore të demokracive kriminale, jo Edi Rama dhe Felckenstein por edhe vetë BE duhet ti kthehet Gotës. Së pari ta mbushë Gotën e saj të Demokracisë, të dëgjojë kërkesat e Opozitës shqiptare, të mos e përsëris gabimin e 17 majit 2017, dhe ti bëjë të qartë Edi Ramës, se, po, do të njihet si Kryeministër por jo me votën e krimit.

Alternativë tjetër nuk ka!

Nëse BE nuk do të përsëritet si në Kroaci, Bosnje Hercegovinë, Kosovë dhe Maqedoni, ku është fajtore ekskluzive e viktimave të luftës, me mbështetjen që i dha Sllobodan Millosheviçit në fillimet e tij të krijimit të Serbisë së Madhe, nuk ka pse vazhdon me mbështetjen e një qeverisje kriminale që detyron edhe Opozitën të largohet nga Parlamenti.

Dje vërtetë ishte 21 Shkurti, por jo i vitit 1991, dhe Knut Felckenstein nuk ka pse ofendon inteligjencën e 52 për qind të 50 përqindshit të elektoratit shqiptarë që quhet se ka dalë në zgjedhje,  dhe nuk i ka dhënë votën e Edi Ramës as nën kërcënimin e krimit. 48 për qind të votave të rilindjes që Knut Fleckentesin i njehë edhe kur u bënë publike përgjimet mbi blerjet e votave nga grupet kriminale, nëse mendon ti shijoj, i mjafton vetëm qëndrimi në një seancë parlamentare që kryesohet nga Himmleri i Edi Ramës, për të parë se kë drejton ky njeri që është zgjedhur me “votat e popullit”! Nëse është me humor të mirë, mund ti lexojë edhe CV-të e deputetëve që ka përzgjedhur Edi Rama dhe “vota e popullit”, për të kuptuar pse Opozita u largua nga ky Parlament i Krimit.

Ndryshe, nëse nuk e ka këtë vullnet ose nuk i intereson, të paktën le të heshtë. Shqiptarët përveç BE-së kanë edhe Kanunin meqë Ligjin dhe Kushtetutën Edi Rama i shkatërroi me ndihmën e fleckensteinëve. E Shqipëria do të bëhet me ose pa mbushësin e Gotës nga Brukseli!

Sot, rubinetin për ta mbushur Gotën e Demokracisë në Shqipëri, për fat të mirë nuk e ka më në dorë Edi Rama!