Vuçiç: Do të mbetem i fuqishëm sikur në duel me Thaçin

Presidenti i Serbisë Aleksandar Vuçiç , duke vizituar rajone të vendit të vet si përgjigje ndaj protestave që po zhvillohen kundër tij pothuaj në të gjitha qytete serbe, sot ka drejtuar akuza të rënda ndaj opozitës ndërsa e ka lavdëruar veten për ato që ka bërë në duel me presidentin e Kosovës Hashim Thaçin, raporton B92.

“Për ne më e rëndësishmja është t’i përkushtohemi të ardhmes, të mendojmë për punë. Mos u brengosni, ashtu siç kam vepruar fuqishëm në duel me Thaçin, më fuqimisht do t’i mbroj interesat e Serbisë unë sesa ata që më predikojnë, sepse e dua Serbinë dhe popullin tonë,,”tha Vuçiç me këtë rast.

Fakti që shqiptarëve edhe disa të tjerëve nuk u përgjigjem me fjalë të mëdha, nuk do të thotë se kjo e paraqet dobësinë tonë, tha ai

“Kjo nuk do të thotë se dikujt do t’ia lëmë në duar ndonjërin nga interesat tona kombëtare. Të gjitha ata që rrahin gjoks, ose tashmë u kanë dhënë ose do t’ua japin të tjerëve atë që është jona”, tha Vuçiç duke porositur:

“Unë do të kujdesem, mos u kujdesni ju për popullin tonë në Kosovë, unë nuk do t’i premtoj të gjitha sepse të tjerët kanë premtuar ndërsa që kaherë i kanë humbur që të gjitha. Do ta mbrojmë popullin tonë, por na lini që të mendojmë për jetën.”

Aleksandar Vuçiç sot ka qëndruar afër vendlindjes së shkrimtarit dhe ekstremistit serb, Dobrica Çosiç, raporton KTV, ku ka përkujtuar trilogjinë e tij, “Koha e vdekjes” ku dhe ka porositur:

“Besoj se koha e vdekjes ka ikur dhe se ka ardhur koha e jetës së fëmijëve tanë.”