Pasi humbi garën në KMSH/ Akuzat e Myftiut të Tiranës: Sot kemi një organizëm okult…

Bujar Spahiu apo Ylli Gurra në krye të KMSH?! Kjo nuk ishte pyetja edhe para fillimit të garës ndonëse me përfundimin e zgjedhjeve ashtu siç ishte parashikuar, fitoi Edi Rama dhe në krye të KMSH erdhi Nënkryetari Spahiu.

Dhe, jo pa arsye, pasi humbi garën për kreun e Komunitetit Mysliman të Shqipërisë, Myftiu i Tiranës, Ylli Gurra, shpërtheu në akuza të rënda për kapje të institucionit të KMSH nga organizma okulte, por duke mos dhënë emra konkretë.

“Unë nuk jam ushtar i askujt, as majtas, djathtas, në Anadoll e gjetkë. Sot ne kemi një organizëm okult, ata që i kanë imponuar KMSH mënyrën e zgjedhjes së anëtarëve, por edhe katapultimin e titullarit,” tha Myftiu i Tiranës duke shtuar se zanafilla është që në 8 mars të 2014, kur KMSH iu katapultua nga këto organizma okult një kryetar.

“Në presionin e atëhershëm, tani iu imponua një titullar i cili në 5 vite jo vetëm ne por edhe ju keni pahumbje të tërë pronësish duke filluar nga qendra e Tiranës, duke përjashtuar myftininë Tiranë, pra pasoja për jetën dhe mbijetesën e shërbëtorëve të parë, hoxhallarët nga Tirana e në çdo myftini tjetër. Pas kësaj, kemi një faturim mbi KMSH të barrëve që nuk i takojnë, edhe ato pak të ardhura kanalizohen në mënyrë të paditur jashtë objektivave që ka komuniteti,” tha ai duke e pranuar:

 “Gylenistët apo kemalistët nuk janë pa ndikime në këtë rrjedhë ngjarjesh dhe të tilla katapultimesh të krerëve të KMSH. Besimtarët duhet ta zgjedhin titullarin pa ndikim, organizative, financiare apo ideologjike”. Ndryshe, kreu i ri i Komunitetit Mysliman të Shqipërisë është zgjedhur Bujar Spahiu me 59 vota, ndërsa Ylli Gurra u rendit i dyti me me 26 vota, kurse Myftiu i Lushnjes, mori vetëm 2 vota.