50 të shoqëruar në Fier/ Reagimi, Alibeaj: Edi Rama në panik, po i vjen fundi…
Dy ditë në Fier, kryeministri Edi Rama la pas mbi 50 të shoqëruar, dhjetra të arrestuar dhe një të akuzuar për tentativë vrasje ndaj policit! Në situatën e krijuar kur zemërata e popullit e ka futur Edi Ramën në panik, dhe e ndjen që fundi i tij është afër, reagon Ish-deputeti i Partisë Demokratike, Enkelejd Alibeaj, duke shtuar se tani ka hedhur në veprim, veglat politike në policinë e shtetit për të arrestuar protestuesit.
“Pëllumb Isufaj, një qytetar i nderuar i Mallakastres, nëpunës shembullor e një familjar i respektuar, por edhe një kundërshtar politik i kriminelit në krye të qeverisë, arrestohet nën akuzën politike të sulmit ndaj policisë së shtetit, pa asnjë provë. Z. Isufaj, siç thotë vetë ai, dhe siç dëshmojnë protestues të tjerë, nuk ka kurrëfarë lidhje me incidentin gjatë protestës ne Fier,” sqaron Enkelejd Alibeaj përmes rrjetit social Facebook duke konstatuar se është frika që e ka kapluar Ramën, qetësinë e ka humbur dhe revolta popullore i është bërë makth, ndërsa përfundon:
“E vetmja zgjidhje e dëshpëruar, e autokratëve, sa here që fundi iu vjen, është kjo që bën Rama, arrestimi i kundërshtarëve politikë. Takohemi në 16 mars!”
Ja postimi i plotë:
Në 2 dite “vizite” në Fier, Edi Rama la pas mbi 50 të shoqëruar, dhjetra të arrestuar dhe një të akuzuar për …tentative vrasje ndaj policit! Iku me ankthin e madh të fundit të tmerrshëm që e pret. Kudo që shkon e ndjek vetem urrejtja e njerëzve. Zemërata e popullit e ka future në panik. E ndjen që fundi i tij është afër. Ka hedhur në veprim tani veglat politike në policinë e shtetit për të arrestuar protestuesit.
Pëllumb Isufaj, një qytetar i nderuar i Mallakastres, nëpunës shembullor e një familjar i respektuar, por edhe një kundërshtar politik i kriminelit në krye të qeverisë, arrestohet nën akuzën politike të sulmit ndaj policisë së shtetit, pa asnjë provë. Z. Isufaj, sic thotë vetë ai, dhe sic dëshmojnë protestues të tjerë, nuk ka kurrëfarë lidhje me incidentin gjate protestes ne Fier.
Frika e ka kapluar Ramën. Qetësinë e ka humbur. Revolta popullore i është bërë makth. E vetmja zgjidhje e dëshpëruar, e autokratëve, sa here që fundi iu vjen, eshte kjo që bën Rama, arrestimi i kundërshtarëve politikë.
Takohemi ne 16 mars!
