Dita e Verës/ Vendimi, Erion Veliaj zgjidhë edhe enigmën e “gjermanit të fundit”…

Kryetari i Bashkisë së Tiranës, Erion Veliaj ka bërë të ditur sot se rreth 80 për qind e qytetarëve kanë mbështetur idenë për të zhvendosur festimet për Ditën e Verës të dielën, më 17 mars.

Kjo shtyrje, sipas Erion Veliajt, erdhi sepse ditën e enjte në 14 mars, pritet të ketë temperatura të ulëta dhe reshje të dendura shiu. Dhe zgjidhjen, i pari i kryeqytetit shqiptar e gjeti duke ju drejtuar rrjeteve sociale:

“Shumica vendosi! Duhet ta bëjmë më shpesh këtë! Në të tre rrjetet sociale Twitter, Facebook dhe Instagram mbi 10.000 vetë morën pjesë në votim! Festimet për Ditën e Verës në Tiranë do të zhvillohen të Dielën, 17 Mars – evitojmë shiun, shijojmë mbi 50 evente familjare,” thekson Erion Veliaj duke bërë të ditur zgjidhjen e kësaj enigme. Dhe jo vetëm kaq!

Meqë të gjithë heshtën ndaj këtij veprimi të çmendur, kjo i hapi rrugë edhe zgjidhjes së një enigme shumë më të madhe dhe të përmotshme shqiptare: Kur iku gjermani i fundit nga Shqipëria, 28 apo 29 Nëntor!

Duke përdorur logjikën e spostimit të Ditës së Verës, pritet që për hirë të partizanëve që nuk kanë luftuar asnjë ditë të vetme, dhe që sot nga gënjeshtrat dhe mosha nuk dalin dot në të ftohtë, Erion Veliaj, ky bir komunisti, do t’ju dal në ndihmë duke e spostuar këtë ditë më 29 Qershor.

Dhe, falë aftësisë menaxhuese të kryetarit të Bashkisë së Tiranës, Erion Veliaj, nuk do të ketë më dilema , nëse gjermani i fundit iku nga Ulqini apo Tuzi, më 28 ose 29 nëntor, ditën e shkjaut apo të jugosllavit. Tashmë ka ngelur që me ndihmën e rrjeteve sociale dhe Spiropalit të zgjidhin edhe enigmën e fundit kombëtare: Kush është partizani i panjohur! Dhe, të gjithë do të bien rehat, edhe turistët gjerman që nuk e kthejnë dot kokën kur kalojnë nga ky partizan i madh që tmerroi dynjanë!