Mosliberalizimi i vizave, Veseli: Ku janë vlerat e BE?!

Kryetari i Parlamentit, Kadri Veseli, në një intervistë për gazetën austriake “Der Standard”, duke folur për liberalizimin e vizave për Kosovën kritikoi Bashkimin Evropian për trajtimin që po i bën shtetit të Kosovës.

Është e pakuptueshme, thekson Veseli, që nuk hiqen vizat kur të gjitha kushtet e kërkuara janë plotësuar.

“Ku është dinjiteti i BE-së, ku janë vlerat?” pyet ai. “BE duket se është në një krizë të madhe, sepse një vend në Evropë me 1.7 milionë banorë, që janë shumë pro-evropian, tani duhet të paguajë për këtë krizë”, tha Kadri Veseli për “Der Standard”.