Protesta e Opozitës/ Mediat ndërkombëtare raportojnë për dhunë, kaos…
Protesta e Opozitës së Bashkuar para Parlamentit të Shqipërisë është pasqyruar edhe në mediat ndërkombëtare. Protesta përshkruhet me dhunë dhe kaos, kërkesën e opozitës shqiptare për dorëheqjen e qeverisë dhe zgjedhje të parakohshme, si dhe mohimin e akuzave opozitare për korrupsion dhe krim të organizuar nga ana e Edi Ramës.
“Mbështetësit e opozitës në Shqipëri përpiqen të pengojnë zhvillimin e seancës parlamentare. Protestuesit e opozitës shqiptare, teksa kërkojnë dorëheqjen e qeverisë dhe zgjedhje të parakohshme, kanë tentuar sërish të hyjnë me forcë në parlament,” shkruan e përditshmja amerikane New York Times.
“Protestuesit e udhëhequr nga Partia Demokratike përdorën tymuese, kapsolle dhe u përleshën me policinë duke u përpjekur të thyejnë kordonin, që mbron ndërtesën e parlamentit ku po mbahet seanca parlamentare e radhës. Opozita akuzon qeverinë e majtë të Partisë Socialiste të Kryeministrit Edi Rama se është i korruptuar dhe i lidhur me krimin e organizuar, të cilin qeveria e mohon. Që nga mesi i muajit shkurti, mbështetësit e opozitës janë përpjekur vazhdimisht të hyjnë në ndërtesat e parlamentit ose të qeverisë dhe policia është përgjigjur me gaz lotsjellës dhe me ujë,”shkruan New York Times.
“Opozita protesta, tensione” është titulli Agjencisë italiane të lajmeve ANSA.
“Partia Bemokratike bën thirrje për dorëheqjen e Kryeministrit Socialist Rama. Tensionohet protesta e sotme nga ana e opozitës shqiptare, përpara Parlamentit ku është duke u zhvilluar protesta e radhës. Përveç fishekzjarreve dhe bombave tymuese, grupet e protestuesve kanë provuar disa herë që të kalojnë kordonin e sigurisë, ku janë vendosur shumë oficerë policie. Që nga shkurti i kaluar, opozita ka zgjedhur të dalë në rrugë për të kërkuar dorëheqjen e Kryeministrit socialist Edi Rama, i akuzuar për korrupsion dhe bashkëpunim me krimin e organizuar dhe mbajtjen e zgjedhjeve të parakohshme, pas krijimit të një qeverie transitore. Një grup deputetesh të opozitës dhanë dorëheqjen, duke hequr dorë nga mandatet e tyre parlamentare. Megjithatë, të paktën 17 prej tyre u zëvendësuan nga kandidatë të tjerë të opozitës, të cilët ishin në listat e vitit 2017,” raporton ANSA.
Televizioni publik i Malit të Zi, RTCG raporton se protestuesit e udhëhequr nga Partia Demokratike e qendrës së djathtë kanë përdorur bomba tymuese dhe mjete të ndryshme për të gjuajtur policinë me të cilën janë përleshur në përpjekje për të çarë kordonin i cili mbron godinën e parlamentit.
Opozita akuzon qeverinë e majtë të kryeministrit Edi Rama se është e korruptuar dhe e lidhur me krimin e organizuar, gjë të cilën qeveria e mohon. Opozita ka caktuar një protestë të madhe më 13 Prill para kryeministrisë ndërkohë para parlamentit do të ketë protesta sa herë që zhvillohen seanca parlamentare.
Kaos në Tiranë: Përdoret gazi lotsjellës dhe topi me ujë. Mbështetësit e opozitës kanë tentuar të futen në parlament gjatë protestave ku kërkohet dorëheqja e qeverisë dhe zgjedhje të parakohshme, raporton televizioni serb B-92.
Protestuesit e udhëhequr nga Partia Demokratike e qendrës së djathtë kanë përdorur bomba tymuese dhe mjete të ndryshme për të gjuajtur policinë me të cilën janë përleshur në përpjekje për të çarë kordonin i cili mbron godinën e parlamentit.
Opozita akuzon qeverinë e majtë të kryeministrit Edi Rama se është e korruptuar dhe e lidhur me krimin e organizuar, gjë të cilën qeveria e mohon.
Nga mesi i muajit shkurt, mbështetësit e opozitës disa herë kanë tentuar të futen në parlament dhe kryeministri por policia i ka ndaluar me gaz lotsjellës dhe topa me ujë. Partia Socialiste në pushtet e Edi Ramës thekson se protestat dëmtojnë përparimin shqiptar drejtë anëtarësimit në BE.
