Vrasjet në Shkodër/ Mesazhi, Arqipeshkvi Massafra:“Disa pranojnë plumbin dhe…”

Arqipeshkvi i Dioqezës Shkodër-Pult, Angelo Massafra, sot gjatë meshës së shenjtë në katedralen “Shën Shtjefni” për 200-vjetorin e lindjes së arbëreshit Andon Santor, ka komentuar edhe ngjarjet e rënda që ndodhën së fundi në Shkodër ku mbetën të vrarë, Ferdinand Polia dhe dy vëllezërit Astrit dhe Brahim Bilali:

“Vetëm si shkak i krenarisë që kemi kur gabojmë disa pranojnë që t’i fusin plumb kokës dhe të mos tërhiqen edhe kur e dinë se janë gabim. Kjo nuk është gjëja e duhur,” tha Arqipeshkvi i Dioqezës Shkodër-Pult, duke u bërë thirrje të gjithëve të mos i bëjnë keq të tjerëve dhe të falin si e vetmja mënyrë për të shkuar pranë Zotit në parajsë.

Arqipeshkevi Massafra solli historinë e një babai që kishte dy djem ku njëri nga djemtë e braktis babain për shkak se nuk i siguron pasuri. Arqipeshkvi u shpreh se fëmijët e sotshëm nuk dinë të kërkojnë falje dhe të kuptojnë gabimet e tyre duke sjellë më pas veprime që i çojnë drejt sjelljeve negative si droga apo krimet.

Arqipeshkvi i Dioqezës Shkodër-Pult, Angelo Massafra, bëri thirrje që të rinjtë të kuptojnë gabimet e tyre sepse në momentin kur kupton gabimin aty nis shpëtimi për gjithsecilin