Zgjedhjet presidenciale/ Maqedoni, Reka: Ka ardhur koha, që presidenti të jetë shqiptar!

Ka ardhur koha, që shqiptarët të kenë presidentin shqiptar, ndërsa kjo do të dëshmohet më 21 prill. Kështu ka deklaruar në Strugë, kandidati për president Blerim Reka, i cili mbështetet nga  Aleanca për Shqiptarët dhe Lëvizja BESA, raporton AlSat.

Profesor Blerim Reka tha se zgjedhja e presidentit shqiptar është e vonuar shumë, pasi 40 vite në komunizëm dhe 30 vite pas komunizmit të tjerët vazhdojnë ti duan shqiptarët si qiraxhi.

Pendarovski: Rritja ekonomike, prioritet kryesor

Vitin e kaluar energjinë e harxhuam në integrimin e vendit, por vitet e ardhshme i takojnë ekonomisë, tha në takim me pensionistët, kandidati për president Stevo Pendarovski, i cili mbështet nga koalicioni qeverises.

Pendarovski tha se Qeveria e Zaevit nuk do në investojë miliarda euro në përmendore, por do ti japë mundësi rinisë që të mbesë në vendlindje. VMRO – DPMNE, tha ai, vazhdon me politikën e Gruevskit.

Silanovska: Demokratizimi i shoqërisë, prioritet

Dalja në këto zgjedhje është tejet e rëndësishme, që pushtetit mos i jepet mundësia të zgjedh president në Parlament, tha kandidatja për president Gordana Silanovska, e cila mbështetet nga VMRO-DPMNE.

Në komunën e Gjorçe Petrovit ajo tha se përcaktim strategjik i opozitës është NATO dhe BE, por se për anëtarësim në BE problem në negociatat do të jetë siguria dhe sundimi i së drejtës.