Presidenti Thaçi, zgjedhje të jashtëzakonshme për kryetar të komunave në Veri

Presidenti i Kosovës, Hashim Thaçi, sot ka marrë vendim për shpalljen e zgjedhjeve të jashtëzakonshme për kryetar të komunave në Veri: Mitrovica e Veriut, Zubin Potok, Leposaviç dhe Zveçan.

Ky vendim, sqaron Zyra e Presidentit, është në mbështetje të kompetencave kushtetuese dhe ligjore, duke marrë parasysh shkresën e Ministrisë së Administrimit të Pushtetit Lokal dhe pas një procesi të konsultimeve përkatëse me partitë politike dhe Komisionin Qendror të Zgjedhjeve.

Duke u bazuar në këtë vendim, zgjedhjet e jashtëzakonshme për kryetarë në këto katër komuna të Republikës së Kosovës do të mbahen më 19 maj 2019.