Presidenti Trump: Demokratët duan që droga të përmbytë SHBA-në!

Presidenti i SHBA, Donald Trump ka kërkuar sërish që të ashpërsohen ligjet mbi emigracionin ndërsa akuzoi pengesat që bëjnë kundërshtarët e tij demokrat lidhur me këtë çështje:

“Demokratët në Kongres nuk duan të veprojnë, duan kufijtë e hapur, duan krimin, duan që droga të përmbytë vendin tonë, ” tha Presidenti Trump duke mirëpritur në Zyrën Ovale homologun e tij egjiptian, Abdel Fatah al-Sisi.

Me këtë rast ai e bëri të qartë se nuk e ka ndërmend të zbatoj politikën e ndarjes së familjeve e cila përfundoi në qershorin e vitit 2018:

“Nuk e kam ndërmend ta bëjë një gjë të tillë,” tha Presidenti Trump edhe pse e pranoi se kjo masë shënoi një sukses të mirë në parandalimin e njerëzve për kalimin e kufirit. “Kur nuk e bëni një gjë të tillë, atëherë kjo bënë që më shumë njerëz ta kalojnë kufirin. Unë e kam anuluar këtë masë,” tha Presidenti i SHBA, Donald Trump duke bërë të ditur se këtë sistem e ka inicuar paraardhësi i tij Barack Obama.