Zyrtare.Grabitja në Rinas/ U vra Admir Murataj, e identifikon bashkëshortja…

Nuk ka më dyshime, personi që u vra dje gjatë grabitjes në Aeroprotin e Rinasit është i shumëkërkuari Admir Murataj, autori edhe i tre grabitjeve të tjera.

Pasi kanë marrë leje nga policia vëllai dhe bashkëshortja e Admir Muratajt janë drejtuar drejt morgut të Tiranës për të bërë identifikimin e trupit.

Pas këqyrjes së viktimës ajo ka konfirmuar bëhet fjalë për bashkëshortin e saj.

Ndërkohë si në rastin e “shitjes” së detit shqiptar nga Ditmir Bushati, edhe me rastin e kësaj vrasje, mediat greke raportuan qysh dje se çfarë po ndodhë Tiranë dhe kush është personi i vrarë me armë zjarri nga policia në Aeroportin e Rinasit.

E përditshmja greke “Protothema” ka sqaruar se i vrari është Admir Murati, i njohur për opinionin grek pasi ishte arratisur nga burgu i Trikalas në vitin 2013, së bashku me 10 kriminelë të tjerë të rrezikshëm shqiptarë, disa prej të cilëve janë arrestuar në Shqipëri.