Zjarri përfshin katedralen Notre-Dame në Paris, Macron: Emergjencë kombëtare!
Një zjarr i madh përfshiu katedralen e famshme Notre-Dame në Paris.
Shkaku i zjarrit nuk është ende i qartë, por zyrtarët thanë se mund të lidhet me punët e rinovimit.
Operacioni i zjarrfikësve është në vazhdim e sipër, por kulmi i ndërtesës gotike 850-vjeçare u shemb, raporton RFE.
Struktura qendrore e katedrales ka arritur të shpëtohet dhe të ruhet. Kjo strukturë përfshinë muret dhe dy kulla kryesore.
Presidenti i Francës, Emmanuel Macron, e anuloi fjalimin drejtuar kombit, njoftoi një zyrtar i Pallatit Elysee.
“Jam i pikëlluar sonte që shoh këtë pjesë tonën të digjet”, theksoi Macron përmes rrjetit social Twitter.
Notre-Dame de Paris en proie aux flammes. Émotion de toute une nation. Pensée pour tous les catholiques et pour tous les Français. Comme tous nos compatriotes, je suis triste ce soir de voir brûler cette part de nous.
— Emmanuel Macron (@EmmanuelMacron) April 15, 2019
Ndërkohë bëhet e ditur se Presidenti francez Emmanuel Macron ka shpallur gjendjen e emergjencës kombëtare.
Kryetarja e Bashkisë Parisit, Anne Hidalgo, e përshkroi atë si “zjarr të tmerrshëm”.
Un terrible incendie est en cours à la cathédrale Notre-Dame de Paris. Les @PompiersParis sont en train de tenter de maîtriser les flammes. Nous sommes mobilisés sur place en lien étroit avec le @dioceseParis. J'invite chacune et chacun à respecter le périmètre de sécurité. pic.twitter.com/9X0tGtlgba
— Anne Hidalgo (@Anne_Hidalgo) April 15, 2019
Vitin e kaluar, Kisha Katolike në Francë bëri thirrje urgjente për fonde, për ta rinovuar katedralen.
Atë e vizitojnë çdo vit miliona njerëz.
Zyra e Prokurorit të Parisit tha se ka hapur një hetim mbi incidentin.
Londra ndan pikëllimin me Parisin, tha kryetari i kryeqytetit britanik, Sadiq Khan.
Kancelarja gjermane, Angela Merkel, tha se populli i saj ndjen me miqtë francezë, ndërsa e përshkroi katedralen si “simbol të Francës dhe të kulturës sonë evropiane”.
“Është aq e tmerrshme të shihet zjarri masiv në katedralen Notre-Dame”, tha presidenti i Shteteve të Bashkuara, Donald Trump.
