Urimi, Haradinaj: Gëzuar dhe për shumë mot Festën e shenjtë të Pashkëve!
Pashkët, për mijëra vjet i kanë bashkuar shqiptarët në vendin e vet rreth vlerave të tyre unike, thekson Kryeministri i Kosovës Ramush Haradinaj duke uruar Pashkët, këtë ditë të bekuar për besimtarët katolikë, që ta ngrisim ndjenjën e respektit për të tjerët dhe t’ua shtrijmë dorën atyre që kanë nevojë.
“Kjo ditë, që na rrëfen mrekullinë e ringjalljes, të ngadhnjimit të jetës mbi vdekjen, na kujton se në thelb, sakrifica për të mirën dhe të drejtën është virtyti më i lartë jetësor. Uroj që në këtë ditë të bekuar për besimtarët katolikë, ta ngrisim ndjenjën e respektit për të tjerët dhe t’ua shtrijmë dorën atyre që kanë nevojë,” thekson në urimin e tij Kryeministri i Kosovës, Ramush Haradinaj, për Ipeshkvin e Kosovës, Imzot Dodë Gjergjit, të gjithë shqiptarët e besimit katolik, si dhe miqtë ndërkombëtarë:
Gëzuar dhe për shumë mot Festën e shenjtë të Pashkëve!
Edhe sot Kryeministri i Kosovës, Ramush Haradinaj Pashkët i festoi në mesin e familjeve shqiptare. Për Festën e Pashkëve ai ishte në familjen e Petrit Palushajt në Krushevë të Madhe dhe në familjen e Pren Kolës në Zllakuqan të Klinës.
