Çmimi “Marie Kraja” shkon në Korenë e Jugut

Çmimi i parë i Edicionit 17 të Festivalit Ndërkombëtar “Marie Kraja”, shkon në Kore këtë vit, për baritonin Dongho Kim Bass, me çmimin e dytë u nderua mezo-sopranoja Ezdi Karakaja, dhe çmimi i tretë u nda mes interpretuesve, Faik Mansu Bariton, e sopranos shqiptare Nina Muho, si dhe çmimi i orkestrës për Kirill Matiev.

Fituesi Dongho Kim tejet i lumtur për fitoren u shpreh: “Nuk më besohet akoma, sepse ishin të gjithë shumë të talentuar, dhe unë isha tejet i emocionuar. Vitin e shkuar kam mbaruar akademinë në La scala, e ndërkohë një javë më parë isha në Las Palmas, e erdha tejet i emociunuar e nervoz, por fat i madh që i’a dola.”

Mbrëmja solli sërish në konkurim të 8-të të përzgjedhurit e natës finale, Itali, Spanjë, Rusi, Ukrainë, Turqi, Kinë, Kore, Shqipëri, Francë dhe Greqi, përveç ngjyrave të arieve 600 vjeçare, e këngëve të përzgjedhura të vendeve të tyre.  Supriza ishin edhe tingujt e mrekullueshëm të Elvin Hoxhës, si edhe interpretimi i arieve të Murat Karahan, Drejtori i të gjithë Operave të Turqisë.