Vendimi, “Escobari i Ballkanit” dënohet me vetëm 10 vite burg!

Gjykata për Krime të Rënda dënoi me 15 vite burg Klement Balilin i njohur si “Escobari i Ballkanit”, por për shkak të gjykimit të shkurtuar, ky dënim konvertohet në 10 vite.

Gjykata e shpalli fajtor Klement Balilin për të 4 akuzat e ngritura nga Prokuroria.

Konkretisht, për trafikim të lëndëve narkotike, në kuadër të grupit kriminal,  u dënua me 14 vite. Për grup kriminal me 2 vite e 6 muaj. Për refuzimin për të deklaruar pasurinë me 6 muaj dhe për pastrim parash me 5 vite.

Gjatë seancës, mbrojtja e Klement Balilit pretendoi pafajësi, ndërsa shtoi se edhe provat e vetme të prokurorisë, që ishin përgjimet, nuk vërtetonin që Balili është pjesë e grupit kriminal.