“Policia që Duam”/ Shpatulla e policit nuk bindë Gjykatën, lirohet Klevis Balliu dhe tre të tjerë…

Gjykata e Tiranës caktoi masën detyrim paraqitje për Ish-deputetin e Partisë Demokratike, Klevis Balliu dhe tre qytetarëve të tjerë  të cilët prej 7 muajsh janë duke protestuar kundër prishjes së banesave të tyre te Unaza e Re.

Prokurori Gjergji Tako kërkoi arrest shtëpie për Balliun me argumentin se ka marr pjesë në një protestë të paligjshme dhe ka lënduar në shpatull një punonjës policie në tentativë për të dalë nga furgoni i policisë në momentin që po shoqërohej në komisariat. Por Prokurori Tako nuk tregoi se pse Ish-Deputeti ishte futur me dhunë në këtë furgon të policisë së Edi Ramës.

Ndërkohë për tre banorët e tjerë u kërkua masa e arrestit me burg sepse sipas Prokurorisë kanë kryer veprime të dhunshme ndaj forcave të policisë, konkretisht nga pamjet filmike të realizuara nga policët me celularë shfaqen tre të dyshuarit Lulzim Marqinaj duke goditur policinë me tabela te sinjalistikes, Seit Hajdarasi duke goditur policinë me gurë dhe Elton Skënderi duke  goditur me grusht një punonjës policie.

Ndryshe, Klevis Balliu u arrestua nga policia e Tiranës së bashku me 3 persona të tjerë, pasi ishte në mbështetje të banorëve të Unazës së Re, të cilët duke protestuar kundër prishjes së banesave me projektin korruptiv Unaza e Madhe, i kishin bllokuar rrugën kryeministrit Edi Rama dy ditë më parë ndërsa ai po vizitonte një biznes në zonë.

Kur policia filloi të dhunoi banorët dhe ti shoqëroi në polici, Ish-deputeti i PD, Klevis Balliu kishte reaguar dhe policia shoqëroi edhe njeriun që luftonte për lirinë e banorëve të Unazës së Re ndonëse ai që nga dita e parë është solidarizuar me hallin e tyre dhe prishjen e shtëpive që momendon ti bëjë Edi Rama pai dëmshpërblyer.