SHBA përshëndet aksionin në Veri: U bë për të luftuar korrupsionin!
SHBA kanë përshëndetur aksionin e fundit të Policisë së Kosovë, si rezultat i të cilit mbeten të arrestuar dhjetëra zyrtarë të përfshir në kontrabandë dhe krim të organizuar.
Kështu shprehet Zyrtari i Misionit të SHBA-së në OSBE – Vjenë, Lande D.Bahl, duke theksuar se një aksion i tillë, i cili nuk kishte në shënjestër vetëm veriun e Kosovës, është një përpjekje e Kosovë për të luftuar korrupsionin dhe për të forcuar sundimin e ligjit.
“Shtetet e Bashkuara i përshëndesin përpjekjet për zbatimin e ligjit nga Qeveria e Kosovës, për të luftuar korrupsionin dhe për të forcuar sundimin e ligjit. Veprimi i Policisë së Kosovës më 28 maj ishte një përpjekje për të bërë pikërisht një gjë të tillë. Autoritetet arrestuan individë të ndryshëm për përfshirje në kontrabandë dhe për krim të organizuar,” thuhet në reagim.
Ndërkohë sa i përket ndalimit të zyrtarit rus, Mikhail Krasnoshchenkov, Lande D.Bahl thekson se janë në dijeni për ndalimin e tij, por autoritetet kosovare janë në hetim e sipër për rastin.
