Lulzim Basha: Koha për fjalët po mbaron! Në protestën e ardhshme…

Kryetari i Partisë Demokratike, Lulzim Basha, dukë falënderuar në fund të protestuesit për siç tha qytetarinë, për shpirtin e qëndresës, ndërsa për Kryeministrin Edi Rama kishte një mesazh të qartë: Koha për fjalët po mbaron!

 “Dua t’ju falënderoj nga zemra për qytetarinë, për shpirtin e qëndresës. për vendosmërinë që demonstruat sot. Vëllezër e motra, qindra mijë prej jush në këtë protestë sollët me vete energjinë, vendosmërinë, shpresën dhe besimin tek e nesërmja e re që po lind. Rama dhe banda e tij ta harrojnë, shqiptarët nuk do lejojnë mbajtjen e pushtetit me dhunë.”

Për Edi Ramën, lideri i opozitës kishte një mesazh të veçantë:

“Po i them sot Edi Ramës dhe sejmenit të tij zuzar dhe sadist Sandër Lleshaj se do mbani përgjegjësi para ligjit. Dita e fundit ku unë iu drejtohem me argumentet e arsyes, koha për fjalët po mbaron, në protestën e ardhshme fjalën do ta ketë vetëm sovrani,” tha Lulzim Basha duke shtuar:

“E gjithë bota e di që ky është një pushtet i marrë nga dhuna e krimit. Ne nuk pranojmë pushtet të marrë me dhunë, harrojeni se do ta mbani pushtetin me dhunë, kthejani sovranit atë që i keni marrë, hapini rrugë zgjedhjeve të lira si e vetmja zgjidhje.”

Në fund, Kryetari i Partisë Demokratike, Lulzim Basha, përsëriti zotimin:

“Nuk kërkojmë asgjë më shumë por nuk do të pranojmë asgjë më pak se Europa.”

Me mbylljen zyrtare të Protestës së 7-të Kombëtare, Kryetari i PD, Lulzim Basha mblodhi strukturat e partisë për të vendosur për datën e protestës së radhës:

8 Qershor ora 19:00!