Arkivi i Shtetit/ Filloi “Java e Arkivave të Hapura”

Sot në Drejtorinë e Përgjithshme të Arkivave ka filluar “Java e Arkivave të Hapura”.

Gjatë këtyre ditëve, vizitorët do të mund të shohin proceset e punës që kryhen në Arkivin Qendror Shtetëror, nga sektori i vendruajtjes, përpunimit, mikrofilmimi, digjitalizimi dhe restaurimi i dokumenteve arkivore.

Po ashtu do të mund të shohin nga afër Kodikët dhe fermanët, mes të cilëve edhe Kodikët e Beratit, që përbëjnë trashëgiminë më të vyer tonë Kulturore Kombëtare dhe që është shfaqur rrallë herë në publik.

Gjithashtu Drejtoria e Përgjithshme e Arkivave i bën thirrje të gjitha shkollave dhe universiteteve të kontaktojnë paraprakisht për vizita gjatë këtyre ditëve, në mënyrë që të krijohen të gjitha mundësitë dhe hapësirat të njohjes nga afër me këto procese, veçanërisht për të rinjtë.

Ndryshe, në kuadër të 70 vjetorit të themelimit të Arkivit të Shtetit, Drejtoria e Përgjithshme e Arkivave organizon nga data 3 Qershor deri më 7 Qershor 2019, “Javën e Arkivave të Hapura”.