Trafik i njerëzve dhe makinave, arrestohen 4 policë në Qafë-Botë

Shërbimi i Çështjeve të Brendshme dhe Ankesave, SHÇBA, ka arrestuar sot 4 policë kufitarë të Qafë-Botës. Ndaj tyre Prokuroria kishte lëshuar urdhër-arreste.

Pas kësaj, janë marrë masa për së paku dy policë. Policët A.P dhe A.H janë pezulluar nga detyra. Ata akuzohen zyrtarisht për trafik mjetesh motorike.

Nga operacioni i sotëm, janë shoqëruar 24 persona në të gjithë Republikën. Arrestimi i katër policëve është bërë sot në Sarandë, ndërsa ata më pas janë dërguar drejt Tiranës.

Policia e Sarandës ka shoqëruar sot katër punonjës të Policisë Kufitare në komisariat. Mësohet se efektivët e ndalur janë kontrollorë të pikës së kalimit në Qafë-Botë. Shoqërimi i tyre është bërë nga Shërbimi i Çështjes së Brendshme dhe Ankesave, SHÇBA.

Katër policët dyshohen të përfshirë në falsifikime dokumentesh për kalim ilegal të shtetasve dhe automjeteve të ndryshme nga pika e kalimit kufitar Qafë-Botë.