Video/ “Ministria për Përhapjen e Panikut”, Policia: Kemi informacione shqetësuese!
Pak orë para Protestës së Madhe ku liderët e partive opozitare bënë thirrje për protesta të qeta dhe pa përdorimin e dhunës, Policia e Shtetit sërish del me deklaratë, madje këtë herë të sofistikuar, me zë dhe figurë, se ka informacione shqetësuese.
Zv/Drejtorja e Përgjithshme e Policisë së Shtetit, Aida Hajnaj duke bër thirrje për një protestë paqësore tha se policia disponon informacione shqetësuese.
“Sot disa forca politike kanë thirrur një tubim proteste. Policia e Shtetit ka marrë të gjitha masat për të garantuar lirinë demokratike të tubimit dhe njëkohësisht ka kërkuar bashkëpunimin e organizatorëve për të shmangur dhunën gjatë saj. Për shkak të informacioneve shqetësuese që Policia disponon, në vazhdën e protestave të shkuara të të njëjtave subjekte politike, u bëjmë thirrje të gjithë pjesëmarrësve të mos tejkalojnë kufijtë e ligjit.”
Duke i dhënë pushim gojëj dhe qenies Ish-Gjeneral Sandër Lleshaj, Aida Hajnaj përsësit:
“Po ashtu, nisur nga ngjarja e rëndë e protestës së kaluar ku protestues të dhunshëm goditën me shufra metalike protestues paqësorë, u bëjmë thirrje organizatorëve të largojnë nga turma njerëz me maska apo me mjete të forta në duar, duke ia dorëzuar menjëherë Policisë. Policia e Shtetit ka konstatuar me shqetësim se mes të ndaluarve në protestat e shkuara ka individë me precedentë të rëndë penale, siç ishte rasti i njërit prej dhunuesve të dy protestuesve paqësorë, i dënuar për trafik ndërkombëtar droge.”
Por turpi i Ministrisë së Brendshme nuk përfundon këtu. Duke bërë detyrën antikushtetuese, duke i shërbyer rilindjes si Ministri për Pëhapjen e Panikut, ajo përmes Zv/Drejtores së Përgjithshme të Policisë del me qëllim, dekurajimin të qytetarëve që të marrin pjesë në protesta del e fol broçkulla edhe të kësaj natyre:
“I bëjmë thirrje të drejtpërdrejtë organizatorëve të marrin të gjithë përgjegjësinë e tyre për moslejimin e devijimit të protestës. Po ashtu ri-kujtojmë se përdorimi i mjeteve piroteknike është jo vetëm i paligjshëm, po edhe tejet i rrezikshëm për shëndetin e jetën e punonjësve të Policisë dhe qytetarëve. Policia e Shtetit do t’i qëndrojë strikt parimit demokratik të proporcionalitetit dhe është e përgatitur të reagojë në proporcion të plotë, me çdo akt dhune. Po ashtu u kërkojmë qytetarëve të Tiranës, që nuk janë të interesuar për protestën, të shmangin lëvizjen në perimetrin e protestës së sotme, e cila do të jetë nën monitorimin e plotë të Policisë.”
Ndryshe, Policia e Shtetit dhe Garda, për mbarëvajtjen e protestës së opozitës që pritet të filloj në orën 19:00, ka angazhuar 1.700 forca policie, të cilat do t’i kushtojnë rëndësi ruajtjes së institucioneve.
Po ashtu, mësohet se para Ministrisë së Brendshme, por edhe Parlamentit janë vendosur gardhe metalike si edhe kamera me rezolucion të lartë, për fiksimin e atyre që kryejnë akte dhune.
Në gatishmëri janë edhe Forcat e Ndërhyrjes së Shpejtë si dhe autobotet me ujë.
Nga ana tjetër, mësohet se Partia Demokratike ka informuar policinë për protestë marshim e cila do të zhvillohet tek Kryeministria dhe Parlamenti nga ora 19:00 deri në mesnatë, ndërsa policia ashtu si edhe herë të tjera thekson se ka lejuar të protestohet vetëm para Kryeministrisë deri në orën 21:00.
