Pas ndeshjes me Kosovën, Mali i Zi shkarkon trajnerin

Mali i Zi ka shkarkuar trajnerin e kombëtares së futbollit, pasi ai refuzoi që të marrë pjesë në ndeshjen kundër Kosovës, në ndeshjet kualifikuese për Euro 2020, njoftoi Federata e futbollit të Malit të Zi.

Trajneri me prejardhje serbe, Lubisha Tumbakoviç nuk mori pjesë në ndeshjen e luajtur më 7 qershor kundër Kosovës e cila përfundoi me rezultat 1:1. Dy lojtarë të Malit të Zi, që kanë lindur në Serbi, Filip Stojkoviç dhe Mirko Ivaniç, po ashtu nuk luajtën në këtë ndeshje, raporton RFE.

Federata e Futbollit të Malit të Zi mori vendim unanim për ta shkarkuar Tumbakoviçin, pasi ai vendosi që të jetë përgjegjës për ekipin kombëtarë në këtë ndeshje, tha Federata.

“Përveç që ishte një surprizë e pakëndshme, vendimi i Tumbakoviçit po ashtu përbën shkelje të përgjegjësive të tij profesionale të përcaktuara në kontratën e tij”, thuhet më njoftim.

E përditshme malazeze, “Vijesti” tha se presioni nga grupet e tifozëve nga Serbia, shtyn trajnerin serb, Tumbakoviç, por edhe dy lojëtarët e tjerë të lindur në Serbi, që të mos luajnë kundër Kosovës.