Gjykata e Ramës&Tomës/ Në burg dy policët e Bashkisë, reagon Voltana Ademi: Të burgosur politikë!

Prezenca e Kryeministrit Edi Rama në Shkodër në krah me Tom Doshin dhe Ditmir Bushatin ishte mesazhi më i qartë për shkodranët se si do të korr fitore ai në këtë qytet, pas dëshmive që u publikuan nga gazeta gjermane “Bild”, ku me ndihmën e Ymer Lalës ai kishte fituar në Dibër. Pra, “Lala dhe Gjiknuri” i Shkodrës me marshimin e fitores treguan se kush do ta bëjë Ligjin në këtë vend. Dhe nuk vonoi shumë dhe Gjykata e Shkodrës iu bind këtij mesazhi!

Sot, Gjykata e Shkodrës ka caktuar masën “arrest me burg” për 2 policë bashkiak, Alfred Nikolli dhe Gentian Bytyçi, të cilët zbatuan urdhërin për të ndërhyrë ndaj paligjshmërisë së anëtarëve socialist të KQZ-së, ndonëseky institucion vazhdon ta ketë mbështetjen e shtetit edhe pse nuk ka lëshuar asnjë vendim se si duhet të veprohet pas daljes së Dekretit për anulimin e datës së zgjedhjeve 30 Qershor!

Ndërkohë Gjykata e Shkodrës, për 3 persona të tjerë, Adi Garuci, Aleks Ndoi dhe Oraldo Thepi, ka caktuar masën “arrest shtëpie”.

Pas këtij vendimi kriminal ka reaguar Kryetarja e Bashkisë Shkodër, Voltana Ademi, duke e konsideruar si një drejtësi të kapur nga kryeministri antikueshtues.

Reagimi:

Kjo eshte diktature! Drejtesia e kapur nga kryeministri antikueshtues le ne burg dy policet bashkia Alfred Nikolli dhe Gentian Bytyçi u vendos te mbahen peng si te burgosur politike.

Edhe tre te tjeret, Adi Garuci, Aleks Ndoi dhe Oraldo Thepi do te duhet te qendrojne ne arrest shtepie. Te gjithe keta jane heronjte tane, heronjte e zgjedhjeve te lira e te ndershme, heronjte e fjales se lire!

Asnje hap pas! Perballe kryeministrit-fatkeqesi kombetare!