Brukseli po i ndërton rrugën Pekinit për në Ballkan

Vendimi i Bashkimit Evropian për të shtyrë bisedimet me Shqipërinë dhe Maqedoninë Veriore nuk ka mundur të vijë në moment më të keq. Kështu thekson për revistën zyrtare të BE, Politico, studiuesi në Institutin Mercator për Studime Kineze, MERICS, Jacob Mardell, duke sqaruar se pse Brukseli po i ndërton rrugën Pekinit për në Ballkan.

Tani që përkushtimi i Brukselit ndaj rajonit është në dyshim, Iniciativa kineze “Belt and Road” ofron një alternativë tërheqëse për vendet që humbin shpresën në pritjen e pafundme për t’u anëtarësuar në BE.

Kina dikur ka qenë sinonim i rrobave të lira dhe plastikës shumëngjyrëshe. Sot në Mal të Zi, më shumë njihet për vinça të lartë dhe për shtylla gjigante betoni, teksa një urë me lartësi prej 200 metrash, e gjatë 1 kilometër, po merr formën mbi lumin Moraça.