A po instalohet diktatura apo jemi tashmë në diktaturë?!

nga Ermal Ngjelina

Ditët e fundit kam përshtypjen se kam shqetësuar një pjesë të mirë të atyre që marrin mundimin dhe lexojnë opinionet e mija, kryesisht të shprehura në mediat sociale dhe tek gazeta Minerva.

Po shkruaj sot për të sqaruar se qëllimi im nuk ishte dhe nuk është fear mongering (lufta civile në këtë rast), por aktiviteti im i zakonshëm në funksion të misionit personal, informimit publik.

Fear monegering është rritja në mënyrë të qëllimshme e frikës së publikut për të realizuar një qëllim politik. Unë nuk kam asnjë axhendë politike!!! Jam aktor në tregun politik për aq sa më lejon profesioni.
Atëherë në situatën e sotme të shumë tensionuar sociale, të prodhuar nga politikanët si të djathtë dhe të majtë (në bindjen time kanë mungesë të theksuar të aftësisë dhe dëshirës për të menduar), po paraqes më poshtë se çfarë besoj.

Unë jam i bindur se pas reformës kushtetuese të 2008 ne hymë në rrugën e instalimit të diktaturës. Diktatura e re në Shqipëri u vendos e plotë në ditën që u miratua reforma në drejtësi, Vetting-u!!!

Pra deri në 30 qershor kur Edi Rama dhe Erion Google Browser+GPU Veliaj të marrin 100% të votave Shqipëria do vijojë të jetojë si Koreja e Veriut në Ballkan.

Nga 1 Korriku dhe më tej kam bindjen se procesi i vetëm që do të ndodhë është zbërthimi i Republikës Popullore Socialisto-Komuniste Korano Veriore të Shqipërisë.

Më poshtë po listoj arsyet ku bazoj bindjen e mësipërme.

Së pari, përkundër besimit të përgjithshëm të publikut shqiptar Shqipëria asnjëherë nuk ka qënë e imunizuar dhe izoluar nga zhvillimet në të gjithë botën.

Pra, çfarë ndodhi në Shqipëri në 1945 erdhi si pasojë e faktorëve të jashtëm dhe ambientimit/pranimit si normalitet, prej shqiptarëve me atë çfarë kishte ndodhur jashtë Shqipërisë. Jo vetëm revolucioni Bolshevik dhe internacionalizmi gjasme proletar, por edhe politikat shtetëzuese/gjysmë komuniste në SHBA-1933, dhe Crony Kapitalizmit të Hitlerit dhe gjysmë socializmit të Britanisë. Edhe ngrohja globale axhendë e fillim shekullit të 20 e internacionalistëve apo zbërthimi i familjes/divorci në funksion të kësaj axhende dhe shumë e shumë të tjera.

Në 1990 fryma e prodhuar nga Ronald Reagan dhe Margaret Thatcher rrëzoi komunizmin dhe promovoi dhe instaloi ekonominë e tregut të lirë në Euro-Azi dhe shqiptarët përfituan bashkë me gjithë të tjerët.
Së dyti; Antikomunizmi, ekonomia e tregut të lirë dhe anti-internacionalizmi dmth patriotizmi janë fryma aktuale e cila po pushton të gjithë botën.

Pas 1 korrikut zhvillimet në Shqipëri do të jenë pozitive për shkak të kësaj fryme. Ashtu si në 1990 ne do të përfitojmë prej saj, njësoj siç po përfiton aktualisht Gjermania, Italia Kina dhe Koreja e Veriut. (Mos harroni vetëm një vit më parë nën drejtimin e Udhëheqëses së Lavdishme të Partisë dhe Popullit shoqes Anxhela Merkel në Gjermani u vendos busti i Marksit. Sponsor ishin kinezët dhe nuk u vendos se Marksi ishte kinez, por sepse ai është simbol i pushtetit të sovjetëve. Pra simbol i triumfit të tyre në Gjermaninë e 2018!)

Fryma aktuale politike mbarëbotërore që përmend mësipër, filloi të zjejë pas reflektimit mbi atë që ndodhi në 11 Shtator, u qartësua pasi u pa e vërteta se kush kontrollon sovranitetin me reagimin e politikëbërësve ndaj krizës financiare të 2007-2009 dhe shpërtheu si vullnet i qytetarëve të të gjithë botës me zgjedhjen e Donald Trump si president i SHBA. (Mos më paragjyko pse po përmend emrin e Trump. Unë e di çfarë ti mendon për Trump, por ta kam thënë shpesh, ndrysho burimet e informacionit.)
Ku qëndron Shqipëria në këtë tablo të madhe? Pas 1990 në botë vendim marrja ju kalua teknokratëve. Ishte forma më e mirë që internacionalistët të mos humbasin pushtetin e tyre, paralelisht forma më e mirë për politikanët që të mos paguajnë kosto politike për reformat që gjithmonë duhet të ndërrmarin.

Diktaturën në Shqipëri e vendosën teknokratët duke shpërbërë kushtetutën dhe sistemin e drejtësisë që është garanti i ekulibrit të pushteteve.

Teknokratët ishin lukunia e karagjozëve që mblodhi rreth vetes Berisha në 2005 me të cilët bëri punë, por prej të cilëve u godit rëndë në 2009 dhe 2013. Goditja në zgjedhje ndaj qeverisë së Berishës ishte për shkak të mungesës së ideologjisë, sepse njerëzit nuk u mërzitën që shtroi të gjitha rrugët e Shqipërisë dhe uli taksat!

Edi Drama, përveçse është internacionalist, dashuron teknokratët! I bëri një zile në telefon mikut të tij të ngushtë Soros dhe një valë e dytë karagjozësh teknokratë me kombësi jo shqiptare ju vërsulën si hienat sistemit të drejtësisë. E copëtuan për shkak të eksitimit që u dha ndjesia e të qënit i rëndësishëm.

Por kanë instaluar diktaturën me Vetting-un, sepse prishën mekanizmin që garanton ekulibrin e pushteteve. Ekulibër i pushteteve do të thotë që askush nuk bëhet dot diktator.

Duke instaluar diktaturën po vënë në diskutim ekulibra që I kalojnë kufijtë e Shqipërisë dhe janë kundër frymës dhe moralit mbizotërues aktualisht në botë.

Për këtë arsye 1 korriku do të jetë një ditë shumë e mirë për të gjithë shqiptarët, pavarësisht se shqiptarët e mi të dashur, ndihen të frustruar dhe dhunuar nga deklaratat e teknokratëve Palmer dhe Soreca!